اوو ولایتونو کې د زعفرانو د پروسس ۳۸ مرکزونه جوړېږي
۲۶ چنګاښ ۱۴۰۰
د کرنې، اوبولګولو او مالدارۍ وزارت، د روان کال په ترڅ کې د هېواد په اوو ولایتونو هرات، غزني، سرپل، کندز، بلخ، فاریاب او دایکندي کې په نوې او عصري بڼه د زعفرانو د پروسس ۳۸ مرکزونه جوړوي، چې دم ګړۍ يې رغنيزې چارې ۳۰ سلنه بشپړشوي دي، او پاتې چارې به يې د ۱۴۰۰م مالي کال تر پايه بشپړ او ګټې اخيستنې ته به وسپارل شي.
د زعفرانو د پروسس د ۳۸ مرکزونو جوړولو موخه، د زعفرانو د کرکېلې پراختیا، زعفرانو کښت ته د بزګرانو هڅول او په کور دننه دنړیوالو مارکېتونو د غوښتنو مطابق د زعفرانو پروسس او صادرول ګڼل کېږي.
