اروزګان کې یوشمېر بزګران وروزل شول
د اروزګان د کرنې، اوبولګولو او مالدارۍ مسلکي کارکوونکو له خوا ددې ولایت د دیک سیمې یوشمېر بزګران روزل شوي دي.
د چارواکو په خبره یاد مسلکي ټیم ددې سیمې بزګرانو د کروندو او بڼونو د ناروغیو مخنیوی په موخه روزلي دي.
له دغو برنامو څخه برخمن شوي بزګران خوښ دي، چې په يادو برخو کې روزل شوي دي او د یادو پروګرامونو د ډېرېدو غوښتونکي شول.
بايد وويل شي، چې د اروزګان د بوټوساتنې مسلکي ټیم هلې ځلې کوي، چې په دې ولایت کې د بزګرانو د پوهاوی کچې په لوړولو سره د ناروغیو او افتونو مخنیوی وکړي.
