ارزګان کې څه باندې ۱۲۰۰ جریبه نوي بڼونه جوړ شوي دي
۱ لړم ۱۳۹۹
د کرنې، اوبولګولو او مالدارۍ وزارت په ۱۳۹۹یم مالي کال کې د ارزګان په ولایت کې یو زر او ۲۴۰ جریبه نوي بڼونه جوړ کړي دي.
دغه نوي بڼونه چې د مېوې مترکم او غېر متراکم بڼونه په کې شامل دي، د ارزګان ولایت په ټولو ولسوالیو کې ځمکوالو و بڼوالوته جوړ شوي دي.
په ورته وخت کې د ارزګان د کرنې ریاست ددې ولایت په بېلابېلو سیمو کې پر بڼوالو د مېوو اووه زره مثمر نیالګي هم وېشلي دي او ترڅنګ یې د ارزګان په مرکز او چورې ولسوالۍ کې د مرسي کورپ موسسې په همکارۍ د پستې د ۵۰ جریبه بڼونو او د بادامو د ۱۳۰ جریبه بڼونو د جوړولو په پار پر خلکو د پستې او بادامو نیالګي هم وېشلي دي.
په عصري لارو چارو نوي بڼونه جوړول او د دودیزو بڼونو اصلاح، د بڼوالۍ سیسټم معیاري کوي او د مېوو د پروسس لړۍ پراخوي، چې په راتلونکې کې د بڼوالو داقتصادي ودې لامل کیږي.
