لوګر کې د سویابینو ۱۵ ننداریزې قطعې جوړیږي
![پانزده قطعه نمایشی سویابین در لوگر ساخته میشود](https://www.mail.gov.af/sites/default/files/2020-06/102558879_3323823884308855_1343138585003853541_n.jpg)
۱۷ غبرګولی ۱۳۹۹
د لوګر د کرنې، اوبولګولو او مالدارۍ ریاست وایي، چې ددې ولایت په مرکز او ولسوالیو کې د سویابینو ۱۵ ننداریزې قطعې جوړیږي.
دغه ننداریزې قطعې هر یوه یې په یوه جریبه ځمکه کې جوړیږي. د لوګر د کرنې ریاست د یادو ننداریزو قطعو د جوړولو په پار پر ۱۵ بزګرانو د سویابینو تخم، یوریا او «ډي پي اي» کیمیاوي سرې وېشلي دي. د دغو وېشل شویو توکو په هره کڅوړ کې د سویابینو ۱۰ کیلوګرامه اصلاح شوي تخمونه او ۳۵ کیلو ګرامه سرې شامل دي. د لوګر دکرنې ریاست وایي پر دغو ۱۵ بزګرانو د سویابینو د اصلاح شوي تخمونو د وېش ترڅنګ دوی ته ددې بوټي د کرکېلي، حاصل ټولولو او پالنې په موخه روزنه هم ورکړې ده.
سویابین بشپړه پروتیني او مغذي مواد لري او د کورنیو په روغتیا په ځانګړي ډول د ماشومانو د خوارځواکۍ په مخنیوی کې رغنده رول لري.