د کندهار دکرنې رییس د اراضۍ او کدستر آمریتونو له یوشمېر مسؤلینو سره د همغږۍ غونډه دائره کړه

mail-admin
Mon, Mar 03 2025 11:19 AM
د کندهار دکرنې رییس د اراضۍ او کدستر آمریتونو له یوشمېر مسؤلینو سره د همغږۍ غونډه دائره کړه

۱۳ کب ۱۴۰۳ه‍.ش
۳ رَمَضانُ المُبارَک ۱۴۴۶ه‍.ق
د کندهار د کرنې، اوبو لګولو او مالدارۍ رییس الحاج مولوي فضل الباري فضلي په مشرۍ د اراضۍ او کدستر آمریتونو له یوشمېر مسؤلینو سره د همغږۍ غونډه دائره کړه. په دې غونډه کې د اراضۍ آمر مولوي عبدالنصیر (صفت الله)، د کدستر آمر مولوي غلام نبي نوراني، د کدستر مدیر فریداحمد ابراهیمي او د املاک ارشیف ژغورنې کمېټې غړو ګډون کړی وه.
د غونډې په پیل کې الحاج مولوي فضل الباري فضلي وویل، چې هر مسؤل شخص د نظام د مکلفیتونو ارزونه او څارنه باید په سمه توګه ترسره کړئ. هغه زیاته کړه، چې د نظام د هر مسؤل ټاکنه د دې مانا لري، چې نوموړی باید خپل مسؤلیت په ښه ډول ترسره کړئ. په غونډه کې ښاغلی فضلي له ټولو مسؤلینو وغوښتل، چې د املاکو ارشیف معلومات نور هم بډایه کړي، د خدماتو لپاره یو ارزښتمن او مؤثر طریقه جوړ کړي، ترڅو خلک د املاکو اړوند معلوماتو د ترلاسه کولو له پروسې ښه خبر شي. هغه زیاته کړه، چې د چارو شفافیت، روڼتیا او همغږي باید نوره تأمین شي، او د املاکو ارشیف څخه د معلوماتو ترلاسه کولو لپاره باید یو منظم، شرعي او اصولي سیستم جوړ شي. د کندهار دکرنې رییس په خپلو خبرو کې د مسؤلینو ترمنځ د همغږۍ، ورورولۍ، او د نظام د چارو د لا ښه پرمخ بېولو ټینګار وکړ. همداراز یې د ارشیف د اسنادو د خوندیتوب او ساتنې لپاره ځانګړې پاملرنه ضروري وبلله. 
ورپسې د اراضۍ آمر مولوي عبدالنصیر (صفت الله) هم د املاکو ارشیف ته د ځانګړې پاملرنې غوښتنه وکړه او ټولو مسؤلینو ته یې سپارښتنه وکړه، چې خپل مسؤلیتونه په پوره ایماندارۍ ادا کړي.
په پای کې راغلو مسؤلینو خپل نظرونه تبادله کړل او ژمنه یې وکړه، چې د املاکو د مدیریت لپاره به مؤثره تګلاره رامنځته کړي. چې ورپسې الحاج مولوي فضل الباري فضلي دوی ته د هر ډول همکارۍ ډاډ ورکړ.

Latest news

Sat, Feb 01 2025 11:27 AM
Background image

ننګرهار وادي کرنیز امارتي شرکت په خپلو فارمونو کې د مېوو بڼونه جوړ کړي 

۱۳ سلواغه ۱۴۰۳ه‍.ش
۳ شَعبان المُعَظّم ۱۴۴۶ه‍.ق
ننګرهار وادي کرنیز امارتي شرکت په خپلو څلور ګونو فارمونو کې د مالټو، زيتونو، ليمو، خرما او نورو مېوو بڼونه جوړ کړي دي.  
دغه کرنيزه پروژه،. . .

Mon, Jul 01 2024 8:57 AM
Background image

د خوست کرنې ریاست څېړنیز فارم کې زده کړیالانو ته د عملي زده کړې زمینه برابره شوې

۱۱ چنګاښ ۱۴۰۳ه‍.ش
۲۴ ذی‌الحِجّة ۱۴۴۵ه‍.ق
د خوست ولایت د کرنې، اوبو لګولو او مالدارۍ ریاست اړوند څېړنیز فارم کې د کرنې پوهنځۍ زده کړیالانو ته په عملي او نظري ډول د زده کړې زمینه برابره. . .

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

BACK TO NEWS