د کرنې وزارت د اراضۍ لوی رياست لخوا بهرنیو چارو وزارت ته ځمکه انتقال شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د بهرنيو چارو وزارت د املاکو د حفاظت او ساتنې عمومي مدير مولوي مطيع الله عابد ګډون درلود، د اراضۍ لوی رياست لخوا بهرنیو چاورو وزارت ته ځمکه ولېږدول شوه.
ياده ځمکه د د کرنې وزارت د اراضۍ لوی رياست د ځمکو د انتقال او وېش رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته خوست ولايت ګربز ولسوالۍ، پکتیا ولايت ډنډ پټان ولسوالۍ، بلخ ولايت حیرتان بندر ښارګوټي او فراه ولايت پشتکوه قلعه کاه ولسوالۍ کې په نږدې ۸.۵ جریبه ځمکه باندې د قونسلي بندرونو د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او بهرنيو چارو وزارت د املاکو د حفاظت او ساتنې عمومي مدير مولوي مطيع الله عابد ترمنځ لاسلیک شوه.
