د عشر او زکات لوی رییس د بغلان د کرنې له رییس او د عشر او زکات مسوولینو سره وکتل 

mail-admin
Sun, Mar 09 2025 12:10 PM
د عشر او زکات لوی رییس د بغلان د کرنې له رییس او د عشر او زکات مسوولینو سره وکتل 

د کرنې، اوبولګولو او مالدارۍ وزارت د عشر او زکات راټولولو لوی رییس مولوي نداءمحمد عابد او ورسره مل پلاوي د عشر او زکات راټولولو بهیر د څارنې په موخه بغلان ولایت ته سفر وکړ.  
په دې سفر کې، نوموړي د بغلان د کرنې، اوبولګولو او مالدارۍ له رییس مولوي رحیم‌الله احدي، د عشر او زکات راټولولو له آمر قاري محمد فرید نوري، د محاسبې او عوایدو له آمر مولوي شاه محمود ترابي، د کرنیزو چارو له آمر مولوي نعمت‌الله نوري، د عشر او زکات مرکزي کارکوونکو او د دې ولایت د ۱۵ ولسوالیو د عشر او زکات راټولولو له مسوولینو سره وکتل.  
په دې ناسته کې، د عشر او زکات راټولولو د بهیر، شته ستونزو، ننګونو او د حل لارو پر موضوعاتو خبرې وشوې، او د مسؤلینو نظرونه او وړاندیزونه واورېدل شول.  
د کرنې وزارت د عشر او زکات راټولولو لوی رییس وویل چې دا سفر د کرنې وزیر مولوي عطاءالله عمري په لارښوونه ترسره شوی، چې موخې یې د عشر او زکات د راټولولو له بهیر څخه څارنه، کارکوونکو ته پوهاوی ورکول او د سیمه‌ییزو چارواکو او مخورو همکاري جلبول دي. نوموړي د بغلان د کرنې له ریاست څخه وغوښتل، چې د عشر او زکات آمریتونو له مسوولینو سره هر اړخیزه همکاري وکړي.  
په دې ناسته کې د عشر او زکات د محاسبې او عوایدو آمر مولوي شاه محمود ترابي، د کرنیزو چارو آمر مولوي نعمت‌الله نوري او د عشر او زکات آمر قاري محمد فرید نوري د اسلام له نظره د عشر او زکات راټولولو پر اهمیت خبرې وکړې او د شته ستونزو او ننګونو یادونه یې وکړه.  
همداراز، د ولایتي او ولسوالیو مسوولینو ترمنځ د همغږۍ، د عشر او زکات له لارې د راټول شویو توکو د پلور، د راټولولو سلنې، د توکو د ساتنې او څارنې او بانکي حساب ته د راټولو شویو پیسو د لېږد پر موضوعاتو هم بحث وشو.  
په پای کې، د بغلان د کرنې رییس، د عشر او زکات مرکزي او د ولسوالیو مسوولینو د کرنې وزارت د عشر او زکات راټولولو لوی رییس ته ډاډ ورکړ، چې د عشر او زکات راټولولو بهیر به لا ښه تنظیم کړي او هر اړخیزه همکاري به ورسره وکړي.

Latest news

Sat, Feb 01 2025 11:27 AM
Background image

ننګرهار وادي کرنیز امارتي شرکت په خپلو فارمونو کې د مېوو بڼونه جوړ کړي 

۱۳ سلواغه ۱۴۰۳ه‍.ش
۳ شَعبان المُعَظّم ۱۴۴۶ه‍.ق
ننګرهار وادي کرنیز امارتي شرکت په خپلو څلور ګونو فارمونو کې د مالټو، زيتونو، ليمو، خرما او نورو مېوو بڼونه جوړ کړي دي.  
دغه کرنيزه پروژه،. . .

Mon, Jul 01 2024 8:57 AM
Background image

د خوست کرنې ریاست څېړنیز فارم کې زده کړیالانو ته د عملي زده کړې زمینه برابره شوې

۱۱ چنګاښ ۱۴۰۳ه‍.ش
۲۴ ذی‌الحِجّة ۱۴۴۵ه‍.ق
د خوست ولایت د کرنې، اوبو لګولو او مالدارۍ ریاست اړوند څېړنیز فارم کې د کرنې پوهنځۍ زده کړیالانو ته په عملي او نظري ډول د زده کړې زمینه برابره. . .

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

BACK TO NEWS