د سولې تامین په پار د کرنې او د سولې په چارو کې د دولت وزارتونو ګډ ورکشاپ په لاره واچول شوه

content_admin
Wed, Jul 28 2021 4:21 PM
د سولې تامین په پار د کرنې او د سولې په چارو کې د دولت وزارتونو ګډ ورکشاپ په لاره واچول شوه

۶ زمری ۱۴۰۰
دکرنې، اوبولګولو او مالدارۍ وازرت او د سولې په چارو کې د دولت وزارت د یو ګډ اقدام په ترڅ کې په هېواد کې د سولې تامین او په هکله یې د عامه پوهاوي په پار ورکشاپ په لاره واچول شوه.
په دې ورکشاپ کې، د کرنې، اوبولګولو او مالدارۍ وزارت د برنامو د هغږۍ او پلان لوی رییس شکیب شریفي په خپلو خبرو کې وویل، چې رسنۍ دې طالبانو ته کرډیټ نه ورکوي هغه وویل: «دا غلطه خبره ده، چې طالبان وایي، چې ۷۵ سلنه خاوره یې تصاحب کړي دي، دا سمه نه ده. طالبان غواړي، چې له نظامي او د افغانانو په وژلو سره حکومت ته ورسېږي، دوی هیڅ نه دي بدل شوي او په دې هڅه کې دي، چې مېرمني په کور کینوي.»
ښاغلی شریفي ټینګار وکړ، چې طالبان بدل شوي نه دي او نه به بدل شي او دا ډله په دې هڅه کې ده، چې په هېواد کې د څلورو اوبیزو حوزو چارې ودروي.
دهغه په خبره، ددغو فعالیتونو په پایله کې به کرنې ته لویه ضربه ورسېږي.
د کرنې وزارت د برنامو د همغږۍ او پلان لوی رییس زیاته کړه، چې د سولې مذاکراتي ټیم څخه ددې وزارت غوښته دا ده، چې له شته فرصت څخه دې په اعظمي توګه ګټه پورته کړي، وژنه او وینه تویېدنه دې بند شي او په افغانستان کې دې سوله تامین شي.
دغه راز د سولې په چاره کې د دولت د وزارت ستر سلاکارې پرستو یاري په دې ورکشاپ کې وویل: «دولت او د طالبانو ډلې ته اوس د خبرو په میز کې ښه فرصت رامنځته شوې ده، له دې طلایي فرصت څخه باید ګټه پورته شي، او جګړې ته دې د پای ټکۍ کېښودل شي. جنګ او سوله د یوې سکې دوې مخې دي، کله چې جګړه ده نو سوله هم شتون لری.»
هغې زیاته کړه، چې د سولې په چارو کې د دولت وزارت دنده لري، چې د هېوادوالو د امنیت په ساتلو سره د دوی نظرونه په مستقیمه توګه په قطر کې د دولت مذاکراتي ټیم ته ورسوي.
آغلې یاري ټینګار وکړ چې سولې ته د رسېدو په پار ټول سره یوه خوله دي او ټول هېوادوال د دوو لسیزو لاسته راوړنو په ساتنې سره تلپاتې سوله غواړي.
ددې برنامې په پای کې، د ښې حکومتوالۍ د مطالعاتو انسټیټوټ څخه ماسټر ټرینر استاد عبدالاناصر فولاد د پلپاتې سولې د اهمیت او په دې لړۍ کې د هېوادولو د ونډې په هکله پرزنټیشن وړاندې کړه.
دکرنې په وزارت کې د سولې تامین او په هکله یې د عامه پوهاوي ورکشاپ د کابل په پوهنتون کې د ولسمشر محمداشرف غني د وینا پر محوریت په لاره واچول شوه. ددې ورکشاپ موخه د سولې اړوندو چارو ښه پرمخ وړل او وزارت خونو او بنسټونو سره د همغږۍ ایجادول دي.

Latest news

Wed, Aug 11 2021 5:29 PM
Background image

Holding a Meeting on Collecting Horticultural Products

Asad 20; August 11, 2021
A meeting on how to collect horticultural products was held at the Ministry of Agriculture campus with presence of Shirshah Amiri, deputy minister of. . .

Mon, Aug 09 2021 2:12 PM
Background image

The first phase of Daikundi Valley Natural Resources Management Project completed

Asad 18: August 9, 2021
The Forest Rehabilitation Project, which was started by Directorate of Agriculture in cooperation with Aga Khan Foundation on May 1, 2019 to boost ecosystem has. . .

Mon, Aug 09 2021 12:36 PM
Background image

Three vegetable and fruit processing centers equipped in Balkh

Asad 18: August 9, 2021
Balkh Directorate of Agriculture, through a program to support to national priority program 2, with joint investment of 30% of the private sector and 70% of the. . .

BACK TO NEWS