هلمند کې د جوارو ننداریزو کروندو څخه لیدنه وشوه
۱۱ زمری ۱۴۰۳ه.ش
۲۶ مُحَرَّمُ الحَرام ۱۴۴۶ه.ق
دهلمند ولایت کرني، اوبولګولو او مالدارۍ ریاست لخوا ددې ولایت مرکز لښکرګاه، نهرسراج، نادعلي او ناوې ولسوالیو ٤٨ بزګرو ته د جوارو ننداریزو کروندو جوړولو په پار مرستې وېشل شوې وې.
ددغو مرستو په ترکیب کې د جوارو اصلاح شوي تخم چې د لوړو حاصلاتو ورکولو وړتیا لري، تر څنګ یې توره او سپینه کیمیاوي سره او د مځکي د جوړولو او تخم کرلو په موخه ۱۰۰۰زر - ۱۰۰۰زر افغانۍ هر في نفر ته نقدې شاملې وې، د یوه ګډ پلاوي په حضور کې پر مستحقو بزګرانو وېشل شوي دي.
نوموړي تخم یادو بزګرو په خپلو مځکو کي ددې ادارې د کارمندانو د لارښوونې مطابق د کتار په بڼه کرلي، چې دامهال یې کروندې په ښه حالت کې قرار لري.
له یادو کروندو څخه د کرنې ریاست د کرنیزو چارو آمریت اړوند کارکوونکي وخت پر وخت لیدنې کوي او بزګرانو ته یې د ښې روزنې او پالنې په برخه کې سپارښتنې کوي.
دیادونې وړ ده، چې دغه مرستې د کرنې، اوبولګولو او مالدارۍ وزارت په پراختیايي لګښت چمتو شو دي تر څو د بزګرو په کرنیز اقتصاد کې نوښت او بهبود رامنځته شي.
