هلمند کې لسګونو بې وزله، یتیمو او کونډو کورنیو سره مرسته وشوه
د هلمند د کرنې، اوبولګولو او مالدارۍ ریاست، د کرنيزو چارو آمريت د کرنیزو خدمتونو مدیریت لخوا، له افغان کډوالو سره د مرستې لپاره د ډنمارک کمیټې (داکار) مؤسسې په مالي همکار، پر ١٤ بېوزلو او بې سرپرستو، کونډو مېرمنو او یتیمانو دشیدو وزې او د خیاطۍ یو شمېر اړین توکي وېشل شوي دي.
د یادې پروسې په تعقیب همدغو ١٤ کورنیو ته، ٥٠کیلوګرامه حیواني خوراکه او ٢٥ کیلو ګرامه جواري هم ووېشل شول.
دغه راز د یوې بلې پروسې له لارې. هلمند په مرکز لښکرګاه کې د همدې مؤسسې په مالي همکارۍ ٣٢ تنو مستحقو بزګرانو ته چې مخکې ورته کوچني څاروي وېشل شوې وه، د څارویو خوراکي توکي وېشل شوي دي.
په ياده توزيع کى هر بزګر ته ٢٥ کيلوګرامه جواري او ٥٠ کيلو ګرامه د غنمو بوسه ورکړل شوي دي.
د نوموړو کورنیو د تثبیت، انتخاب او توزیع چارې د ګډې کمیټې لخوا په شفاف ډول ترسره شوي دي.
ددې مرستې موخه د بېوزله کورنیو ملاتړ او په ټوله کې مېرمنو ته په کور د ننه د کار زمینه برابرول دي.
