کندز کې د املوکو سږني حاصلات نږدې ۱۰۰ ټنو ته رسېدلې

۱ سلواغه ۱۳۹۹
د کندز دکرنې، اوبولګولو اومالدارۍ ریاست چارواکي وایي، چې په دې ولایت کې د نورو ارزښت لرونکو مېوو ترڅنګ د املکو بڼونه هم کال تر بلې په پراخېدو دي، چې حاصلات یې هم ورسره کال تر بلې زیاتېږي.
د کندز دکرنې، اوبولګولو او مالدارۍ رییس عبدالهادي قرلق وايي، چې د کندز د ولایت په کچه څه باندې۳۰۰ جریبه د املوکو بڼونه شتون لري، چې د املوکو سږني حاصلات یې ۹۹ ټنو ته ورسېد.
ښاغلی قرلق وویل، چې د کندز په ټولو ولسوالیو کې د املوکو بڼونه شتون لري، خو ددې ولایت د مرکز په ګډون د امام صاحب، دشت ارچي، قلعه ذال، کلباد او چهار درې ولسوالیو کې د املوکو بڼونه ډېر دي.
کندز کې دوه ډوله املوک کېږي او په دې ولایت کې یې ښه پایله ورکړې ده.
باید وویل شي، چې د کندز دکرنې، اوبولګولو او مالدارۍ ریاست په دې ولایت کې د بزګرانو او بڼوالو د ملاتړ په پار تل هلې ځلې کوی او په دې برخه کې یې ګڼ شمېر بریالي پروګرامونه هم پلي کړي دي.