دایکندي کې د کچالوو د ټولو زېرمتونونو رغنیزې چارې به ډېر ژر بشپړ شي
۲۲ تله ۱۳۹۹
د دایکندي په ولایت کې د کچالو د ۲۴۹ زېرمتونونو رغنیزې چارې به ډېر ژر بشپړ او ګتې اخیستنې ته به وسپارل شي.
دغه زېرمتونونه د کرنې وزارت له خوا د کرنیزو محصولاتو مدیریت د برنامې په اډانه کې جوړیږي.
د کچالو د یادو زېرمتونونو ټولیز لګښت نږدې ۱۸۲ میلیونه افغانۍ ده، چې لس سلنه یې د برخمن شوي بزګرانو له خوا ورکول کیږي.
د کچالو یاد زېرمتونونه د دایکندي ولایت په مرکز او یوشمېر ولسوالیو کې جوړیږي. ددغو زېرمتونونو رغنیزې چارې ۹۰ سلنه بشپړ شوي دي.
