دمیدان وردګو ولایت دعشراو زکات کارکوونکو ته د کاري اسانتیاوو په موخه موټرسایکلونه ووېشل شول
۸ وری ۱۴۰۵ه.ش
۱۰ شَوّالُ المُکَرَّم ۱۴۴۷ه.ق
دمیدان وردګو ولایت دکرنې، اوبو لګولو او مالدارۍ ریاست په چوکاټ کې د عشراو زکات کارکوونکو ته د چارو د لا اغېزمن تطبیق او د ولسوالیو مدیرانو د کاري اسانتیاوو او پیاوړتیا په موخه د کرنې اوبو لګولو او مالدارۍ وزارت مقام اړوند د عشراو زکات لوی ریاست له لوري د میدان وردګو ولایت عشر او زکات د مرکز او ولسوالیو مدیرانو ته نهه عرادې موټرسایکلونه ووېشل شول.
د یادو موټرسایکلونو په ورکړې سره به د ولسوالیو اړونده چارواکو وکولای شي خپلې کاري چارې په چټکۍ اسانۍ او ښه همغږۍ سره ترسره کړي. همدا ډول د یادو وسایطو پر مټ به د عشراو زکات راټولول څارنې او تنظیم چارې لا منظمې او اغېزمنې شي. همدا شان مسؤلین به وکولای شي، چې لرې او پرتو سیمو او کلیو ته په اسانۍ سره تګ راتګ وکړي.
همدارنګه د دغو موټرسایکلونو په مرسته به د ولسوالیو مدیران وکولای شي له بزګرانو مالدارانو او د سیمې له اوسېدونکو سره نېغ په نېغه اړیکې ټینګې کړي د عشراو زکات اړوند پوهاوی به زیات کړي همدارنګه به د عشر زکات محصولاتو راټولولو بهیر به په منظم او اغېزمن ډول پر مخ یوسي.
د میدان وردګو ولایت دکرنې، اوبو لګولو او مالدارۍ ریاست رهبري د عشراو زکات آمرین او د ولسوالیو مدیران د کرنې، اوبو لګولو او مالدارۍ وزارت مقام او د عشر او زکات لوی ریاست له دوامداره ملاتړ او پاملرنې څخه مننه وکړه او ډاډ یې ورکړ چې له ورکړل شویو امکاناتو څخه به په مسؤلانه او اغېزمن ډول ګټه پورته کړي، تر څو د عشراو زکات راټولولو او تنظیم بهیر لا پیاوړی او منظم شي.
د یادونې وړ ده، چې دغه ډول اسانتیاوې به نه یوازې د کارکوونکو د کاري وړتیاوو او مورال په لوړولو کې مهم رول لري بلکې د خدمتونو د کیفیت ښه والي او د چارو د لا چټکتیا لامل به هم وګرځي.
