دکرنې وزارت د ځمکو چارو رییس د لغمان، خوست او پکتيا ولايتونو د ځمکو د تخنيکي څانګو له آمرینو سره وکتل

user-admin
Mon, Jan 15 2024 2:37 PM
دکرنې وزارت د ځمکو چارو رییس د لغمان، خوست او پکتيا ولايتونو د ځمکو د تخنيکي څانګو له آمرینو سره وکتل


۲۵ مرغومې ۱۴۰۲ه‍.ش
۳ رَجَب المُرَجَّب ۱۴۴۵ ه‍.ق
د کرنې، اوبولګولو او مالدارۍ وزارت د ځمکو چارو رییس مولوي محمود مظلوم، د اراضۍ ریاست په مقام کې د کدستر آمر انجنير احسان الله الهام او د لغمان، خوست او پکتيا ولايتونو د کرنې رياست د ځمکو د تخنيکي څانګو آمرینو سره په تنه کې پر بېلابېلو موضوعاتو خبرې اترې وکړې.
په دې کتنه کې د کرنې وزارت د ځمکو چارو رییس د لغمان، خوست او پکتيا ولايتونو څخه راغلي مسوولينو سره د هغو د  فعاليتونو او په ولايتونو کې د ستونزو په اړه له هغو سره خبرې وکړې.
دغه راز د لغمان، خوست او پکتيا ولايتونو څخه د ځمکوالۍ په برخه کې راغلي پلاوی په خپل وار سره په خپلو ولايتو کې د کارونو او شته ستونزو په اړه لکه د يو شمېر آمرینو د امتیازی معاشونو نشتوالی، د ځمکوالۍ په څانګه کې د نقلیه وسايطو نشتون، د دغه څانګې په کارونو کې د نورو ادارو بېځايه مداخلې او په ولاياتو کې د کارکوونکو د کموالي په اړه خبرې او خپل نظرونه يې د ځمکو چارو رییس سره شريک کړل.
په ورته وخت کې د کرنې وزارت د ځمکو چارو رییس مولوی محمود مظلوم ټولو مسوولينو ته لارښوونه وکړه، چې خپل ټول وړانديزونه دې په کتبي توګه د ځمکو چارو رياست ته واستوي تر څو موضوع د دغې ادارې له لارې د کرنې وزارت مقام سره شريک او په اړه يې سالمه پرېکړه وشي. نوموړي زیاته کړه له دې وروسته په ولايتونو کې د ځمکو څانګې له ټولو آمرينو سره د انټرنټ له لارې په ژوندۍ بڼه خبرې کوي تر څو د هغو  له دندو او فعاليتونو څخه معلومات ترلاسه کړي او همدارنګه که د هغو په دندو کې ستونزې وي ورته رسېدنه ووشي.

Latest news

Mon, Jul 01 2024 8:57 AM
Background image

د خوست کرنې ریاست څېړنیز فارم کې زده کړیالانو ته د عملي زده کړې زمینه برابره شوې

۱۱ چنګاښ ۱۴۰۳ه‍.ش
۲۴ ذی‌الحِجّة ۱۴۴۵ه‍.ق
د خوست ولایت د کرنې، اوبو لګولو او مالدارۍ ریاست اړوند څېړنیز فارم کې د کرنې پوهنځۍ زده کړیالانو ته په عملي او نظري ډول د زده کړې زمینه برابره. . .

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

Wed, Aug 11 2021 5:29 PM
Background image

Holding a Meeting on Collecting Horticultural Products

Asad 20; August 11, 2021
A meeting on how to collect horticultural products was held at the Ministry of Agriculture campus with presence of Shirshah Amiri, deputy minister of. . .

BACK TO NEWS