د کرنې او مالدارۍ مرستیال په بخارا ښار کې د امام بخاري له مقبرې څخه لیدنه وکړه

۵ لیندۍ ۱۴۰۲ه‍.ش
١۳جُمَادَى الأول ۱۴۴۵ ه‍.ق
د کرنې وزارت د کرنې او مالدارۍ مرستیال مولوي صدراعظم عثماني او ورسره مل پلاوي ازبیکستان هېواد ته د خپل سفر په ترڅ کې د بخارا ښار ته لاړ او هلته یې د امام بخاري رحمته الله علیه له مقبرې څخه لیدنه وکړه.
د کرنې، اوبولګولو او مالدارۍ وزارت پلاوي د امام بخاري له قبر څخه د لیدنې پر مهال د امام بخاري رحمته الله علیه روح ته دعا وکړه او د امام بخاري رحمته الله علیه له څېړنیز مرکز څخه یې هم لیدنه وکړه.
د امام بخاري رحمته الله علیه څېړنیز مرکز څخه د لیدنې پر مهال د یاد مرکز چارواکو د افغانستان اسلامي امارت د کرنې، اوبولګولو او مالدارۍ وزارت پلاوي ته د یاد مرکز د فعالیتونو په اړه لنډ معلومات ورکړل.
په ورته وخت کې د کرنې او مالدارۍ مرستیال مولوي صدر اعظم عثماني د امام بخاري رحمته الله علیه څېړنیز مرکز له مسوولینو وغوښتل، چې د افغانستان څېړونکو ته په دې مرکز کې د هغو اسلامي هېوادونو د څېړونکو په منځ کې چې په دغه مرکز کې څېړنه کوي، د دې فرصت ورکړي، څو خپل رول ولوبوي، چې دکرنې وزارت دکرنې او مالدارۍ د مرستيال وړانديز د ياد مرکز د رييس او مسوولينو له خوا ومنل شو.

بازدید معین زراعت و مالداری از مقبره امام بخاری در شهر بخارا 
۵ قوس ۱۴۰۲ هـ.ش
مولوی صدراعظم عثمانی معین زراعت و مالداری وزارت زراعت و هیئت همراهش در جریان سفر به کشور ازبکستان به شهر بخارا سفر کرده و از مقبره امام بخار رحمته الله علیه بازدید کرد.
هیئت وزارت زراعت، آبیاری و مالداری در جریان بازدید از مقبره به روح امام بخاری رحمته الله علیه دعا خوانده و همچنان از مرکز تحقیقاتی امام بخاری رحمته الله علیه بازدید کرد.
 در جریان بازدید از مرکز تحقیقاتی امام بخاری رحمته الله علیه مسوولان مرکز متذکره معلومات مختصر پیرامون فعالیت‌های مرکز را  به هیئت وزارت زراعت، آبیاری و مالداری امارت اسلامی افغانستان بیان کردند.
در همین حال مولوی صدر اعظم عثمانی معین زراعت و مالداری از مسوولان مرکز تحقیقاتی امام بخاری رحمته الله علیه خواست که در جمع محققانی که در این مرکز از کشورهای مختلف اسلامی تحقیق می‌نمایند به محققین افغانستان نیز فرصت بدهند تا در این مرکز نقش خویش را ایفا نمایند که پیشنهاد معین زراعت مالداری از سوی رییس و مسوولان مرکز متذکره پذیرفته شد.