د کرنې وزیر د انجې له سوداګرو سره وکتل
۱۹ زمری ۱۴۰۲ه.ش
۲۳ مُحَرَّمُ الحَرام ۱۴۴۵ه.ق
د کرنې، اوبولګولو او مالدارۍ وزیر مولوي عطاء الله عمري د خپل کار په دفتر کې د هېواد د انجې له یو شمېر سوداګرو او پانګوالو سره وکتل او د هغوی ستونزې یې واورېدې.
دغه سوداګر چې د هېواد له بېلابېلو ولايتونو څخه دکرنې وزارت ته راغلي وو، د کرنې له وزير سره يې په تکتانې، عشر او نورو برخو کې خپلې ستونزې مطرح کړل او له کرنې وزارت څخه يې د حل غوښتنه وکړه.
په همدې حال کې د کرنې وزیر د یادو سوداګرو د ستونزو له اورېدو وروسته له هغوی وغوښتل، چې په هېواد کې د انجې د تولید، پروسس، ترویج، څېړنې او صادراتو د برخې معیاري کولو لپاره هڅې وکړي او همدارنګه د کرنې وزیر له یادو سوداګرو څخه وغوښتل، چې د انجې د تولید، پروسس او صادراتو د همغږي کولو په پار دې د انجې سوداګرو ملي ټولنه جوړ کړي، دغه ټولنه وکولای شي د کرنې وزارت سره په همغږۍ د بزګرانو او سوداګرو ستونزې په ګډه حل کړي.
د کرنې وزیر د هېواد په بېلابېلو ولایتونو کې د انجې دکرکیلې د پراختیا په اړه خبرې وکړې او د کاري چاپېریال د رامنځته کېدو او د هېواد د اقتصاد د پیاوړتیا لپاره یې د هغې پر لا پراختیا ټینګار وکړ.
دیدار وزیر زراعت با تاجران هنگ
۱۹ اسد ۱۴۰۲ هـ.ش
مولوی عطاءالله عمری وزیر زراعت، آبیاری و مالداری در دفتر کارش با شمار از تاجران و سرمایه گذاران هنگ در کشور دیدار کرده و مشکلات شان را استماع نمود.
این تاجران که از ولایتهای مختلف کشور به وزارت آمده بودند مشکلاتشان را در بخش تکتانه، عشر و سایر بخشها با وزیر زراعت بیان کرده و خوستار حل آن از سوی وزارت زراعت شدند.
در همین حال وزیر زراعت پس از استماع مشکلات تجار متذکره از آنها خواست که جهت معیاری سازی تولید، پروسس، ترویج، تحقیق و صادرات هنگ در کشورتلاش نمایند همچنان وزیر زراعت به منظور انسجام امور تولید، پروسس و صادارت هنگ خواستار ایجاد یک اتحادیه ملی تاجران هنگ شد که آن اتحادیه بتواند به گونه جمع در هماهنگی با وزارت زراعت مشکلات دهقانان و تاجران را حل نماید.
وزیر زراعت از رشد هنگ در ولایتهای مختلف کشور سخن زده و تاکید بر رشد دهی بیشتر آن به منظور ایجاد زمینه کاری و بلند بردن اقتصاد کشور کرد.
