پکتیا کې په ۲۵ بېوزله کورنیو د شېدو غواګانې ووېشل شول
۲۶ وږی ۱۴۰۱ه.ش
۲۰ صَفَرالمظفّر ۱۴۴۴ ه.ق
د پکتیا د کرنې، اوبولګولو او مالدارۍ ریاست اړوند همکارې ادارې پاملرنې مؤسسې لخوا ددې ولایت ۲۵ هغه غریبو کورنیو ته چې د کورنۍ ډئر ټیټ اقتصاد یې درلود او خوړو خوندیتوب ته یې لاس رسی نه درلودل ۲۵ د شېدو غواګانې ووشل شول.
په همدې موخه د پکتیا د کرنې ریاست په انګړ کې غونډه جوړه شوې وه، چې پکې د بېوزلو کورنیو د غړو ترڅنګ د پکتیا کرنې او مالدارۍ رییس مولوي عبدالروف سعید، د پاملرنې مؤسسې والیتي مسئول او کارکوونکو یې، او د مالدارۍ کارمندانو ګډون کړی و.
دوی په غونډه کې د بېوزلو کورنیو د اقتصادي پیاوړتیا په موخه د یادو غواګانو د وېش پر پروسه خوښي وخودل او له ورته همکارو پروژو او مؤسساتو څخه یې وغوښتل، چې دلته د خلکو کورنی اقتصاد کمزوري دي، باید ورسره په دې برخه کې زیاتې مرستې وکړي.
د پکتیا دکرنې رییس مولوی عبدالروف سعید وویل؛ موږ د هغو ټولو انجوګانو او ډونرانو څخه مننه کوو، چې په پکتیا کې د کرنې او مالدارۍ په برخه کې کار کوي او د خلکو لپاره ارزښتمند خدمات وړاندې کوي.
سعید د اړوند انجو څخه وغوښتل، چې دغه پکیچ پراخ او زیاتو بېوزلو کورنیو سره ورته مرستې وکړي، له ګټه اخیستونکو څخه یې وغوښتل چې د یادو غواګانو ښه پالنه او ساتنه وکړي.
د برخمن شوو کورنیو په استازویتوب یو تن د کرنې ریاست او پاملرنې مؤسسې څخه مننه وکړه، چې د تنګسې پر وخت یې د دوی سره د شېدو غواګانو مرسته وکړه.
د یادونی وړ دی چی هری کورنی ته یوه د شېدو غوا او خوسۍ ۶۰۰ کیلوګرامه واښه، ۳۰۰ کیلو ګرامه شنه واښه، ۱۰۰ کیلو ګرامه کنجاړه یو جوړه موزې او یو دانه د وښو لوښی هم ورکړل شوي دي.
