فراه کې پر ۴۷۵مالدارانو د څارویو خوراکي توکي ووېشل شوه
۱ چنګاښ ۱۴۰۱ ه.ش
۲۳ ذوالقعده ۱۴۴۳ ه.ق
د فراه د کرنې، اوبولګولو او مالدارۍ، ریاست په همغږۍ د (CRDSA) مؤسسې له لورې ددې ولایت د پشت رود ولسوالی په ۴۷۵ مالدارانو ۱۹۰۰ بوجۍ کنجاړې ووېشل شول. په دې پروګرام کې پر هر مالدار ۴ بوجۍ کونجاړې وېشل شوي دي.
په دې وېش غونډه کې د فراه دکرنې ریاست او د یادې مؤسسې د استازو په ګډون یوشمېر سیمه ییزو چارواکو ګډون درولود، دوی په خپلو خبرو کې وویل، چې د څارویو د خوراکي توکو له وېش څخه یې، موخه مالدارانو ته د متراکمو حیواني خوراکي توکو دودول، د مالدارۍ سکټور پیاوړتیا او په بیړنیو حالاتو کي د مالدارانو سره مرسته او د اړمنو مالدارانو لاسنیوی دي.
د فراه دکرنې ریاست هلې ځلې کوي، چې د مرستندویو مؤسسو په همکارۍ ددې ولایت د بېوزله مالدارانو ملاتړ وکړي، ترڅو ددې ولایت د مالدارۍ پراختیا ته زمینه برابره شي.
