د کرنې وزارت مشرتابه او مرکزي رييسانو سره دکرنيزو فعاليتونو د لا همغږي په پار د ۳۴ ولايتونو دکرنې رييسانو غونډه
۱۹لړم۱۳۹۹
د زون په کچه دکرنيزو فعاليتونو دلومړيتوب په هکله غونډه دکرنې وزارت د نوماند او سرپرست وزير ډاکټرانوارالحق احدي، د ۳۴ ولايتونو د کرنې رييسانو او دکرنې وزارت ديوشمېرمرکزي رييسانو په شتون کې، دکرنې وزارت دپلان په تالار کې په لاره واچول شوه.
په دې غونډه کې، د زونونو په کچه د کرنيزو فعالیتونو لومړيتوب، په ولايتونوکې دکرنيزو چارو فرصتونه او ننکونې و ارزول شول.
دغه راز په دې غونډه کې، ددې ترڅنګ چې د ۱۴۰۰ ام مالي کال بودجه تشريح شوه، د ۱۳۹۹يم مالي کال بودجه هم بررسي شوه.د کرنې وزارت د۳۴ ولايتونو رييسانو په دې سکټور کې دخپلو ولايتونو ستونزې د وزارت له مقام او مرکزي چارواکو سره شریک کړل.
دکرنې وزارت نوماند او سرپرست وزير وويل، چې دبڼوالۍ او مالدارۍ ملي پروژه (NHLP) د روان مالي کال ترپايه بشپړيږي او پرځای يې د کرنې دودې او خوړو خونديتوب بېړنۍ پروژه (ETS) د ۱۰۰ ميليونه ډالرو په بوديجې سره په ۳۴ ولايتونو کې په بېلابېلو کرنيزو برخوکې خپل پروژې پلي کوي.
د کرنې وزارت سرپرست دغه راز وويل، چې سږکال دهېواد په کچه دغنمو ۱۴ زره اصلاح شوي تخمونه وېشل کيږي، چې دوېش لړۍ يې عملاً پيل شوی دی.
دغه راز دکرنې وزارت نوماند او سرپرست وزير ډاکټرانوارالحق احدي د ولايتي رييسانو د وړاندې شويو ستونزو او ننګونو په هکله اړوندو رييسانوته هدايت ورکړ چې امکاناتو ته په کتو دې بايد ستونزې هوارې شي.
