پکتیکا کې پر یوشمېر بڼوالو د پستې تخمونه ووېشل شو
۱۰ وری ۱۳۹۹
د پکتیکا د کرنې، اوبولګولو او مالدارۍ ریاست د کرنې وزارت د بڼوالۍ او مالدارۍ ملي پروژې «NHLP» په همکارۍ ددې ولایت پر یو شمېر بڼوالو د پستې د ۱۰۰ کیلو ګرامه تخمونو له وېشلو خبر ورکوي.
د پکتیکا دکرنې چارواکي وایي: «د کرنې وزارت د بڼوالۍ او مالدارۍ د ملي پروژې له خوا پر هغو بڼوالوچې، د ترویج د کارکوونکو له خوایې ځمکي سروي شوي ؤ د پستې ۱۰۰ کیلو ګرامه تخمونه ووېشل شو.»
د پکتیکا ولایت د کرنې، اوبولګولو او مالدارۍ ریاست وایي: «له نېکه مرغه په دې وروستیو کې د پستې د بڼونو جوړولو او ترویج په پار هلې ځلې کړندي شوي دي.»
باید وویل شي، چې پسته په افغانستان کې یو له مهمو اقتصادي نباتانو څخه ګڼل کیږي، چې د یوشمېر هېوادوالو د اقتصاد لویه برخه جوړوي.