د کندهار د کرنې، اوبو لګولو او مالدارۍ ریاست نوی رئیس معرفي او دنده یې پیل کړه

۱۹ تله ۱۴۰۵ هـ.ش
۲۸ رَبِیعُ الْثاني ۱۴۴۸ هـ.ق
د کندهار د کرنې، اوبو لګولو او مالدارۍ ریاست لپاره مولوي عبدالرازق ابوالامین د نوي رییس په توګه وټاکل شو او د یوې رسمي غونډې په ترڅ کې د یاد ریاست کارکوونکو ته ور وپېژندل شو.
دغه ټاکنه د اسلامي امارت زعیم عالیقدر امیرالمؤمنین شیخ صاحب حفظه الله تعالی ورعاه د حکم پر بنسټ ترسره شوې، چې د نوي رییس د معرفۍ په غونډه کې د کندهار ولایت مقام د کارکوونکو چارو رییس مفتي میرزا محمد زاهد، د کرنې، اوبو لګولو او مالدارۍ ریاست پخواني رییس مولوي عبدالرشید منیب، د ولایت یو شمېر لوړپوړو مسوولینو، د یاد ریاست آمرینو، مدیرانو او کارکوونکو ګډون کړی و.
د غونډې په پیل کې د کندهار ولایت مقام د کارکوونکو چارو رییس مفتي میرزا محمد زاهد د اسلامي نظام په اداري جوړښت کې بدلون او تبدیل د چارو د سمون او ښه مدیریت له مهمو اصولو څخه وباله او د کرنې ریاست د پخواني رییس مولوي عبدالرشید منیب هڅې او ترسره شوي خدمتونه یې وستایل.
نوموړي د کرنې ریاست نوي رییس ته د بریالیتوب هیله څرګنده کړه او ټینګار یې وکړ، چې د مسوولیتونو په ترسره کولو کې اخلاص، رښتینولي، همغږي او د ولس خدمت ته ژمنتیا د ادارو د بریالیتوب مهم لاملونه دي.
ورپسې د کندهار د کرنې، اوبو لګولو او مالدارۍ نوي رییس مولوي عبدالرازق ابوالامین د اسلامي امارت له مشرتابه څخه د ورسپارل شوي مسوولیت له امله مننه وکړه او ډاډ یې ورکړ، چې د یاد ریاست د چارو د لا ښه والي، د اداري فعالیتونو د پیاوړتیا او د بزګرانو او مالدارانو د ستونزو د هواري لپاره به په بشپړ اخلاص او ژمنتیا کار وکړي.
نوموړي د کرنې ریاست د پخواني رییس مولوي عبدالرشید منیب له خدمتونو او هڅو څخه قدرداني وکړه او هغه یې یو تجربه‌لرونکی او بریالی شخصیت وباله. هغه همدارنګه د ریاست له ټولو کارکوونکو وغوښتل، چې د ګډې همکارۍ، همغږۍ او مسوولیت‌پېژندنې له لارې د کرنې، اوبولګولو او مالدارۍ د برخو د ودې لپاره خپلې هڅې لا ګړندۍ کړي.
د غونډې په وروستۍ برخه کې د کندهار د کرنې، اوبو لګولو او مالدارۍ ریاست پخواني رییس مولوي عبدالرشید منیب د نوي رییس ټاکنه پرځای پرېکړه وبلله او له نوموړي سره یې د بشپړې همکارۍ ډاډ څرګند کړ.
نوموړي وویل، چې په اداري جوړښت کې بدلون او تبدیل د نظام له اصولو څخه دي او ټول مسوولین د اسلامي امارت د مشرتابه د حکمونو او لارښوونو پلي کولو ته ژمن دي.
مولوي عبدالرشید منیب د خپلې دندې پر مهال د ریاست له ټولو آمرینو، مدیرانو او کارکوونکو څخه د همکارۍ او هڅو له امله مننه وکړه او له هغوی یې وغوښتل، چې له نوي رئیس سره هم د اخلاص، صداقت، رښتینولۍ او ګډې همکارۍ پر بنسټ خپلو دندو ته دوام ورکړي.

رئیس جدید ریاست زراعت، آبیاری و مالداری کندهار معرفی و کارش را آغاز کرد
۱۹ میزان ۱۴۰۵ هـ.ش
مولوی عبدالرازق ابوالامین به‌عنوان رئیس جدید ریاست زراعت، آبیاری و مالداری ولایت کندهار تعیین گردید و طی یک نشست رسمی به کارمندان این ریاست معرفی شد.
این تعیینات بر اساس حکم عالیقدر امیرالمؤمنین شیخ صاحب حفظه‌الله تعالی ورعاه رهبر امارت اسلامی افغانستان، صورت گرفته است.  در نشست معرفی رئیس جدید، مفتی میرزا محمد زاهد، رئیس امور کارکنان مقام ولایت کندهار، مولوی عبدالرشید منیب، رئیس پیشین ریاست زراعت، آبیاری و مالداری این ولایت، شماری از مسئولان ارشد ولایت، آمران، مدیران و کارمندان این ریاست حضور داشتند.
در آغاز نشست، مفتی میرزا محمد زاهد، رئیس امور کارکنان مقام ولایت کندهار، تغییر و تبدیل در ساختار اداری نظام اسلامی را از اصول مهم اصلاح امور و بهبود مدیریت دانست و از تلاش‌ها و خدمات مولوی عبدالرشید منیب، رئیس پیشین این ریاست، قدردانی کرد.
وی برای رئیس جدید ریاست زراعت آرزوی موفقیت نموده و تأکید کرد که اخلاص، صداقت، هماهنگی و تعهد به خدمت‌گزاری مردم از عوامل مهم موفقیت ادارات به شمار می‌روند.
سپس مولوی عبدالرازق ابوالامین، رئیس جدید ریاست زراعت، آبیاری و مالداری کندهار، از رهبری امارت اسلامی به‌خاطر سپردن این مسئولیت تشکر کرده و اطمینان داد که برای بهبود هرچه بیشتر امور این ریاست، تقویت فعالیت‌های اداری و رسیدگی به مشکلات دهقانان و مالداران، با اخلاص و تعهد کامل تلاش خواهد کرد.
وی همچنان از خدمات و تلاش‌های مولوی عبدالرشید منیب، رئیس پیشین این ریاست، قدردانی نموده و او را شخصیتی باتجربه و موفق خواند. او از تمام کارمندان ریاست نیز خواست تا با همکاری مشترک، هماهنگی و احساس مسئولیت، تلاش‌های‌شان را برای رشد بخش‌های زراعت، آبیاری و مالداری بیشتر سازند.
در بخش پایانی نشست، مولوی عبدالرشید منیب، رئیس پیشین ریاست زراعت، آبیاری و مالداری کندهار، تعیین رئیس جدید را تصمیمی بجا دانسته و از همکاری کامل خود با وی اطمینان داد.
وی گفت که تغییر و تبدیل در ساختار اداری از اصول نظام بوده و تمام مسئولان به تطبیق احکام و رهنمودهای رهبری امارت اسلامی متعهد هستند.
مولوی عبدالرشید منیب در پایان، از تمام آمران، مدیران و کارمندان این ریاست به‌خاطر همکاری و تلاش‌های‌شان در دوران مسئولیت خود قدردانی کرده و از آنان خواست تا با رئیس جدید نیز بر بنیاد اخلاص، صداقت، راست‌کاری و همکاری مشترک، به وظایف‌شان ادامه دهند.