ننګرهار کې ۴۸۵ جریبه ځمکه د ازادې داوطلبۍ په ترڅ کې په اجاره ورکړل شوه
۸ غویی ۱۴۰۴ ه.ش
۳۰ شَوّالُ المُکَرَّم ۱۴۴۶ه.ق
د ننګرهار د کرنې، اوبو لګولو او مالدارۍ ریاست د کامي ولسوالی په مربوطاتو کې ۴۸۵ جریبه ځمکه د ازادې او رڼې بولۍ له لارې د لسګونو شرکتونو په شتون کې په اجاره ورکړل شول.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې ۱۲۹ جریبه ځمکه په میرزا خېلو کې في جریب د کال په ۱۲ زره او ۱۵۰ افغانۍ سمسور سهار عثماني کرنیزو او مالدارۍ شرکت ته او ۳۵۶ جریبه ځمکه د کامې په شیلام رعایتی کې في جریب په ۱۶ زره او ۱۰۰ افغانۍ حلیم صادق شرکت ته د ازادې مزايیدې په ترڅ کې په اجاره ورکړل شوه.
وړاندې تردې هم څو ځلې د کرنې ادارې په ننګرهار کې د ازادې بولۍ له لارې ځمکی د عوایدو زیاتوالي او کاري فرصتونو برابرولو لپاره په اجاره ورکړیدي.
