ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

mail-admin
Sat, Nov 21 2026 4:13 PM
ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره د مبارزې ادارې «یوان‌اوډي‌سي» په مالي ملاتړ، د دغه ولایت په سره‌رود او کوز کونړ ولسوالیو کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت د پروسیس اړین وسایل او مواد ووېشل شول.
د ننګرهار د کرنې، اوبو لګولو او مالدارۍ رییس مولوي عبدالستار محمد د یادو مرستو د وېش پر مهال وویل، چې په دغه پروګرام کې ۵۰ تنه د ستروسو او ۵۰ تنه د سبو پروسس کوونکي شامل دي، چې هر یوه ته د اړتیا وړ وسایلو او موادو یوه ځانګړې کڅوړه ورکړل شوه.
نوموړي زیاته کړه، چې د ستروسو پروسس کوونکو ته ۱۴ ډوله او د سبو پروسس کوونکو ته ۱۸ ډوله بېلابېل وسایل او مواد وېشل شوي، چې په مرسته به یې د ګټه‌اخیستونکو کاري وړتیاوې لوړې، د پروسیس فعالیتونه به یې پراخ او د محصولاتو د پروسس کیفیت به ښه شي.
د ننګرهار د کرنې رییس څرګنده کړه، چې د دې مرستو اساسي موخه د ستروسو اوسبو د پروسس دود پراخول، د کورنیو کرنیزو محصولاتو د ارزښت لوړول، د کرنیزو محصولاتو د ضایعاتو راکمول او د سیمې اوسېدونکو ته د کار او عاید نوې زمینې برابرول دي.
د کرنیزو محصولاتو پروسیس او ارزښت‌زیاتونه د کرنیز اقتصاد د ودې، د بزګرانو او پروسیس کوونکو د اقتصادي پیاوړتیا او د کورنیو تولیداتو د بازارموندنې لپاره مهم رول لري. د ستروسو او سبو پروسس د محصولاتو د ساتنې موده اوږدوي، د حاصلاتو د ضایعاتو مخه نیسي او د بازار ارزښت یې لوړوي. د دې ډول مرستو له لارې د پروسیس کوونکو د کاري وړتیاوو لوړول، د کورنیو تولیداتو ملاتړ او د کلیوالي اقتصاد پیاوړتیا ته زمینه برابرېږي.

Latest news

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

Wed, Aug 11 2021 5:29 PM
Background image

Holding a Meeting on Collecting Horticultural Products

Asad 20; August 11, 2021
A meeting on how to collect horticultural products was held at the Ministry of Agriculture campus with presence of Shirshah Amiri, deputy minister of. . .

Mon, Aug 09 2021 2:12 PM
Background image

The first phase of Daikundi Valley Natural Resources Management Project completed

Asad 18: August 9, 2021
The Forest Rehabilitation Project, which was started by Directorate of Agriculture in cooperation with Aga Khan Foundation on May 1, 2019 to boost ecosystem has. . .

BACK TO NEWS