روزګان کې د نیالګیو اېښودلو کمپاین پرانیستل شو

mail-admin
Sat, Mar 01 2025 12:58 PM
روزګان کې د نیالګیو اېښودلو کمپاین پرانیستل شو

۱۱ کب ۱۴۰۳ه‍.ش
۱ رَمَضانُ المُبارَک ۱۴۴۶ه‍.ق
د روزګان د کرنې، اوبولګولو او مالدارۍ ریاست «د نن نیالګی؛ د راتلونکي هوساینه» تر عنوان لاندې د نیالګیو اېښودو کمپاین په شاندارو مراسمو سره پیل کړ. 
په دغو مراسمو کې د روزګان کرنې، اوبولګولو او مالدارۍ رییس الحاج مولوي عطاءالله راشد، چاپېريال ساتنې رياست مطبوعاتي مسؤل رحيم الله ژواک، د کرنیزو چارو آمر مولوي اسدالله اسد، د طبیعي سرچینو آمر مولوي عبدالمان فاروقي، د کرنې ریاست د قوريه جاتو مدير فدامحمد کامران، د طبیعي سرچینو آمریت ګڼو مسؤلینو، بڼوالو او بزګرانو ګډون کړی و.
   د روزګان د کرنې، اوبولګولو او مالدارۍ رییس الحاج مولوي عطاءالله راشد ګډونوالو ته د نوي کال لپاره د نیالګیو کمپاین په اړه ښه راغلاست ووایه او د دوی له ګډون څخه یې مننه وکړه.
ښاغلی راشد د اسلام له نظره د کرنې اهمیت بیان کړاو د نیالګیو اېښودل یې یوه روانه صدقه یاده کړه. هغه زیاته کړه، چې د افغانستان د کرنې وزارت هڅه کوي په بېلابېلو ولایتونو کې ځنګلونه جوړ کړي، وده ورکړي، او خلک د نیالګیو اېښودلو ته وهڅوي. چې لپاره یې هر کال په ټول هېواد کې د نیالګیو اېښودلو ځانګړي پروګرامونه تنظیمېږي.
نوموړي پر ټولو غږ وکړ چې هر څوک باید لږ تر لږه یو نیالګی کښېنوي او ښه ساتنه یې وکړي، ترڅو د ځنګلونو جوړېدو، پاکې هوا، او د اقلیم بدلون په مخنیوي کې ګټور ثابت شي.
ورپسې د روزګان دکرنې ریاست د طبيعي سرچينو آمر مطبوعاتو ته د نيالګيو پر ګټو اهميت او روزنه مالومات وړاندي کړل  او دغه راز د چاپېريال ساتنې مطبوعاتي مسؤل د علمي او مسلکي لیدلوري څخه د ځنګلونو ارزښت بیان کړ. هغه ځنګلونه د چاپېریال، اقلیم، د انسان د ژوند، د هوا او اوبو د ککړتیا مخنیوي، او د تودوخې کنټرول لپاره مهم وبلل.

Latest news

Sat, Feb 01 2025 11:27 AM
Background image

ننګرهار وادي کرنیز امارتي شرکت په خپلو فارمونو کې د مېوو بڼونه جوړ کړي 

۱۳ سلواغه ۱۴۰۳ه‍.ش
۳ شَعبان المُعَظّم ۱۴۴۶ه‍.ق
ننګرهار وادي کرنیز امارتي شرکت په خپلو څلور ګونو فارمونو کې د مالټو، زيتونو، ليمو، خرما او نورو مېوو بڼونه جوړ کړي دي.  
دغه کرنيزه پروژه،. . .

Mon, Jul 01 2024 8:57 AM
Background image

د خوست کرنې ریاست څېړنیز فارم کې زده کړیالانو ته د عملي زده کړې زمینه برابره شوې

۱۱ چنګاښ ۱۴۰۳ه‍.ش
۲۴ ذی‌الحِجّة ۱۴۴۵ه‍.ق
د خوست ولایت د کرنې، اوبو لګولو او مالدارۍ ریاست اړوند څېړنیز فارم کې د کرنې پوهنځۍ زده کړیالانو ته په عملي او نظري ډول د زده کړې زمینه برابره. . .

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

BACK TO NEWS