د کرنیزو سوداګرو د پام وړ!
د بڼوالۍ د ځنځیروي ارزښت د ودې سکتوري پروژه (HVCDSP) د هېواد په کچه د بڼوالۍ او کرنیزې سوداګرۍ په برخه کې یوه ستره پروژه ده، چې د کرنې، اوبو لګولو او مالدارۍ وزارت په چوکاټ کې د هېواد په یوولسو ولایتونو (کابل، لوګر، پکتیا، پکتیکا، خوست، غزني، وردګ، ننګرهار، کنړ، لغمان او بامیان) کې کار کوي. دا پروژه د ۷۵ ملیونه ډالرو په ارزښت د آسیايي پراختیايي بانک لخوا تمویلیږي. یاده پروژه په هېواد کې د کرنیزې سوداګرۍ د لا پرمختګ په پار په پام کې لري ترڅو د هېواد په یوولسو ولایتونو کې د بڼوالۍ په برخه کې له کرنیزو سوداګرو سره بلا ناغه مرسته وکړي.
له همدې امله د یادو ولایتونو کرنیزو سوداګرو ته خبر ورکول کیږي تر څو د کرنیزو تشبثاتو په برخه کې د بلا ناغه مرستو د ترلاسه کولو لپاره د یادې پروژې له چارواکو سره د لاندې برېښنالیک له لاري اړیکه ونیسي.
agribusiness.hvcdsp@mail.gov.af
