د آمو پنځمې سیندیزې حوزې سکټوري پروژې له خوا په درېوو ولایتونو کې ۱۸ آبرېزې جوړیږي
۱۶ لیندۍ ۱۳۹۹
د آمو پنځمې سیندیزې حوزې د سکټوري پروژې چارواکي وایي، چې ددې پروژې له لارې سږکال د تخار، بدخشان او کندز په ولایتونو کې ۱۸ ابرېزې جوړیږي.
له دې ډلې د ۹ آبرېزو رغنیزې چارې بشپړ او د ۹ نورو هغو رغنیزې چارې تر ۶۵ سلنه بشپړ شوي دي.
دغه آبرېزې د سېلابونو د ویجاړیو مخنیوي، د خاورې خوندیتوب، د کانالونو د ویجاړیو مخنیوي، د کرنیزو ځمکو ساتنه، د سیمې د اوسیدونکو د عوایدو کچه لوړول او د کلني عایداتو د کچې لوړولو په موخه دکرنې، اوبولګولو او مالدارۍ وزارت له خوا د اسیایي پراختیا یي بانک په همکارۍ جوړیږي.
د یادو آبرېزو ترڅنګ د کندز، تخار او بدخشان په ولایتونو کې د اوبولګولو ۱۰۷ ټولنې هم جوړې شوي دي.
