د پکتیا د کرنې رییس د ملګرو ملتونو د خوړو او کرنې نړۍوالې ادارې له چارواکو سره وکتل

١٥ زمری ۱۴۰۵ هـ.ش
٢٢ صَفَر المُظَفَّر ۱۴۴۸ هـ.ق
د پکتیا ولایت د کرنې، اوبولګولو او مالدارۍ ریاست په مقام کې د ملګرو ملتونو د خوړو او کرنې نړۍوالې ادارې (اف اې او) د زون مسؤل، انجنیر بسم الله بسمل، او ورسره مل پلاوي د یاد ریاست له رییس، مولوي سید امین هاشمي، سره د همغږۍ ناسته ترسره کړه.
په دې ناسته کې د دواړو لورو ترمنځ پر ګډو همکاریو، اغېزمنې همغږۍ او د راتلونکو پراختیایي پروژو د پلي کېدو په اړه هر اړخیز بحث وشو.د ملګرو ملتونو د خوړو او کرنې نړۍوالې ادارې د زون مسؤل، انجنیر بسم الله بسمل، د خپلو راتلونکو پروګرامونو او پلان شویو پروژو په اړه معلومات وړاندې کړل او ویې ویل، چې د کرنې او مالدارۍ په برخو کې د بېلابېلو پراختیایي فعالیتونو پلي کول د دوی له مهمو لومړیتوبونو څخه دي.
د پکتیا د کرنې رییس، مولوي هاشمي، د یادې مؤسسې له مسؤلینو سره د هر اړخیزې همکارۍ ډاډ څرګند کړ او ټینګار یې وکړ چې ټولې پروژې او فعالیتونه باید د کرنې ریاست له بشپړې همغږۍ، شفافیت او ټاکل شویو اصولو سره سم پلي شي.
نوموړي زیاته کړه، چې د دغو پروژو عملي کېدل به د کرنې او مالدارۍ د سکټور په پیاوړتیا، د کرنیزو او مالدارۍ خدمتونو په ښه والي، د تولیداتو په زیاتوالي او د بزګرانو او مالدارانو د اقتصادي وضعیت په ښه کېدو کې مهم رول ولوبوي.

رئیس زراعت پکتیا با مسئولان سازمان خوراک و زراعت ملل متحد دیدار کرد
۱۵ اسد ۱۴۰۵ هـ.ش
۲۲ صَفَر المُظَفَّر ۱۴۴۸ هـ.ق
در مقام ریاست زراعت، آبیاری و مالداری ولایت پکتیا، نشست هماهنگی میان مولوی سید امین هاشمی، رئیس این ریاست، و انجینر بسم‌الله بسمل، مسئول زون سازمان خوراک و زراعت ملل متحد (FAO)، همراه با هیئت همراهش برگزار شد.
در این نشست، دو طرف پیرامون همکاری‌های مشترک، تقویت هماهنگی و چگونگی تطبیق پروژه‌های انکشافی آینده به‌گونه همه‌جانبه بحث و تبادل نظر کردند.
انجینر بسم‌الله بسمل، مسئول زون سازمان خوراک و زراعت ملل متحد، در مورد برنامه‌ها و پروژه‌های در دست اجرای این سازمان معلومات ارائه کرده و گفت که تطبیق برنامه‌های مختلف انکشافی در بخش‌های زراعت و مالداری از اولویت‌های اساسی این سازمان به شمار می‌رود.
مولوی سید امین هاشمی، رئیس زراعت پکتیا، ضمن اطمینان از همکاری همه‌جانبه با مسئولان این سازمان، تأکید کرد که تمامی پروژه‌ها و فعالیت‌ها باید با هماهنگی کامل ریاست زراعت، شفافیت و مطابق اصول تعیین‌شده تطبیق شوند.
وی افزود که عملی‌شدن این پروژه‌ها نقش مهمی در تقویت بخش زراعت و مالداری، بهبود خدمات زراعتی و مالداری، افزایش تولیدات و بهبود وضعیت اقتصادی دهقانان و مالداران خواهد داشت.