د هلمند په ولایت کې د پنبې د پروسس له فابریکو څخه د کرنې وزارت د ویاند لیدنه

۲۵ لړم ۱۴۰۴ هـ.ش
۲۵ جُمَادَى الأول ۱۴۴۷ هـ.ق
د کرنې، اوبولګولو او مالدارۍ وزارت ویاند مولوي شیرمحمد حاتمي، هلمند ولایت ته دخپل سفر پر مهال د پنبې له یو شمېر پروسس کوونکو فابریکو څخه لیدنه وکړه او د پنبې د تولید د کمیت او کیفیت د لوړولو لپاره د وزارت د هڅو یادونه وکړه. نوموړي په ټول هېواد کې د پنبې د معیاري پروسس  پر اړتیا هم ټینګار وکړ.
پنبه د هلمند له مهمو او مشهور کرنیزو  محصولاتو څخه ده او په دې ولایت کې زرګونه جریب ځمکه د پنبې کر ته ځانګړې شوې ده. د روان کال د لومړیو شپږو میاشتو په جریان کې د دې ولایت ۴۸ فعالو فابریکو توانېدلي دي، چې ټولټال ۲۰۷ زره او ۳۶۰ ټنه پروسس شوې پنبه تولید کړي. هره فابریکه په اوسط ډول د ورځې ۱۱.۵ ټنه مالوچ او په شپږو میاشتو کې ۴۳۲۰ ټنه دانو لرونکې پنبه پروسس کړي دي.
په هلمند کې د پنبې په هره فابریکه کې شاوخوا ۵۰ کسان په مستقیم ډول او ۵۰ تنه نور په غیر مستقیم ډول په تولیدي بهیر کې بوخت دي. دا لیدنه د تولید د کیفیت د لوړولو، د فابریکو د ظرفیت د پراخولو او د ځایي کاري فرصتونو د ملاتړ په موخه ترسره شوې ده.

بازدید سخنگوی وزارت زراعت از کارخانه‌های پروسس پنبه در هلمند
۲۵ عقرب ۱۴۰۴ هـ.ش
مولوی شیر محمد حاتمی سخنگوی وزارت زراعت، آبیاری و مالداری در جریان سفر به ولایت هلمند از شماری از کارخانه‌های پروسس پنبه بازدید به عمل آورد و از تلاش‌های وزارت زراعت برای افزایش کمیت و کیفیت تولید پنبه سخن گفت. وی همچنین بر معیاری‌سازی پروسس پنبه در سراسر کشور تأکید کرد.
پنبه از محصولات عمده و مشهور ولایت هلمند است و هزاران جریب زمین این ولایت به کشت پنبه اختصاص دارد. در شش ماه نخست سال جاری، ۴۸ کارخانه فعال این ولایت توانسته‌اند ۲۰۷ هزار و ۳۶۰ تن پنبه پروسس شده تولید کنند. هر کارخانه به طور متوسط روزانه ۱۱.۵ تن پنبه و در طول شش ماه ۴۳۲۰ تن دانه‌دار پنبه پروسس کرده است.
در هر کارخانه حدود ۵۰ نفر به صورت مستقیم و ۵۰ نفر به صورت غیرمستقیم در فرآیند تولید مشغول به کار هستند. این بازدید با هدف ارتقای کیفیت تولید، افزایش ظرفیت کارخانه‌ها و حمایت از اشتغال‌زایی محلی انجام شد.