دکندهار د کرنې ریاست: د کندهار په ټولو ولسوالیو کې د کروندګرو ستونزو ته رسېدنه کېږي
۲۶ مرغومې ۱۴۰۱ه.ش
۲۳ جُمادیَ الثّاني ۱۴۴۴ ه.ق
د کندهاردکرنې، اوبولګولو او مالدارۍ رییس مولوی محمود مظلوم ددې ولایت دکروندګرو او مالدارانو ستونزو ته د رسېدنې او د دوی د مشکلاتو اورېدو له پاره د کندهار ولایت ولسوالیو ته د سفر په ترڅ کې داځل د کندهار ولایت میوند ولسوالی ته سفر وکړ.
مولوی محمود مظلوم ددې سفر په ترڅ کې د لوړ او ښکته میوند ولسوالیو، له ولسوالانو، امنیې قومندانانو، قاضیانو او یوشمېر نورو سیمه ییزو چاروکو سره د جلاجلا غونډو په ترڅ کې پر بېلابېلو موضوعاتو خبرې اترې وکړې.
ددې سفر په ترڅ کې ښاغلی محمود مظلوم د یادو ولسوالیو له مخکنیو هرراز همکاریو څخه د مننې ترڅنګ وویل: «یوه تر ټولو مهمه او اړینه موضوع چې د هېواد په کچه پرې کار روان دی، د ځمکې د غصب مخنیوی او د غصب شویو ځمکو بېرته راګرځول دي، چې په دې برخه کې ستاسو هراړخیزو همکاریو ته اړتیا ده، چې په ګډه د امیرالمؤمنین دا حکم پلي کړو.»
دغه راز ددې سفر په ترڅ کې د مېوند ولسوالی دکرنې او مالدارۍ سکټور، دکرنیزو درملو او ناروغیو په هکله مفصلې خبرې اترې وشوې.
په همدې حال کې دیادو ولسوالیو ولسوالان او نورو سیمه ییزو چارواکو د ځمکې غصب مخنیوی او په نورو برخو کې د کندهار دکرنې رییس ته د هرراز همکاریو ډاډ ورکړل.
