خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۲۶ مرغومې ۱۴۰۱ه.ش
۲۳ جُمادیَ الثّاني ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې. وروسته د متون کنډيو خلکو او مشرانو سره د ځمکو د غصب په اړه اوږد او تفصيلي بحٿ وشو او دوى ته د ځمکو د غصب په مورد معلومات ورکړل شول. ورپسې د ګربزو ولسوالی د قومي مشرانو سره د هغه ځمکې په اړه چې د ډبرو سکرو د پروسس او بسته بندۍ مرکز پکې جوړېږي ليدنه او خبرې اترې وشوې. وروسته تخنيکي پلاوی په دوه ګروپونو ووېشل شو چې يو ګروپ د خوست ولايت د صبريو ولسوالی اړوند د خالبساط حجرو سیمې ته ولاړ او د شيخ شرعي صاحب د مکتوبي هدايت سره سم يې د هغه ۲۸جريبه ځمکې په مورد خپلې کړنې او اجرأت تر سره کړل. د تخنيکي پلاوی دویم ګروپ د څړبني سیمې ته ولاړ او د خوست ولايت د ستراتیژيک پلان له مخې د ۴۱۰ جريبه هديرې، چې د ټولو خوست ميشتو لپاره په استراتیژیک پلان کې ورته ځای په نښه شوي وو له نژدي وکتل شو.
دغه راز په دې غونډه کې اړوندو چارواکو د چارو د لا ښه پرمختګ په پار خپل نظرونه وړاندې کړل.
