ډنډ ولسوالۍ کې له دوه زره زیانمنو کورنیو سره د مرستو لړۍ پيل شو
![ډنډ ولسوالۍ کې له دوه زره زیانمنو کورنیو سره د مرستو لړۍ پيل شو](https://www.mail.gov.af/sites/default/files/2019-07/67324046_2606690832688834_5644398518064906240_o.jpg)
۲ زمری ۱۳۹۸
د کندهار د کرنې، ابولګولو او مالدارۍ ریاست د ملګرو ملتونو د خوړو او کرنې سازمان په همکارۍ ددې ولایت د ډنډ ولسوالۍ له دوه زره وچکالۍ ځپلو او اړمنو کورنیو سره د مرستې لړۍ پیل کړ.
د کندهار د کرنې ریاست چارواکي وایي، چې په دې لړۍ کې به پر دغو کورنیو د څارویو خوراکي توکي، تخمونه او دداخلي پرازیټ درمل ووېشل شي.
پر دغو کورنیو ټول ټال۲۰۰ ټنه حیواني خوراکه، شپږ ټنه تخمونه او ۳۲۰ لېټره دحیواناتودداخلي پرازیټ درمل وېشل کیږي.
د چارواکو په خبره پر دغو کورنیو پر هر یوه کورۍ ۱۰۰ کیلو ګرامه د څارویو خوراکي توکي، درې کیلو ګرامه هغه تخمونه چې د څارویو خوراکي توکي پرې جوړیږي او دداخلي پرازیت درمل وېشل کیږي.
ددې مرستو موخه اړمنو او وچکالۍ ځپلو کورنیو سره مرسته ده.