د غزنې دکرنې ریاست: د څړځایونو د پنځو ټولنو په ۲۰۰ غړو د هګیو چرګان وېشل شوي دي
۲۶ وږی ۱۴۰۱ه.ش
۲۰ صَفَرالمظفّر ۱۴۴۴ ه.ق
د غزنې، دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO) په همکارۍ ددې ولایت د ناور او مالستان ولسوالیو د څړځایونو د پنځو ټولنو په ۲۰۰ غړو د هګیو چرګان او د چرګانو روزنې اړونده توکي وېشلي دي.
د غزني دکرنې ریاست وایي، چې د مالستان او ناور ولسوالیو د څړځایونو د پنځو ټولنو په ۲۰۰ بېوزله غړو شپږ زره د هګیو چرګان، ۱۰۰۰ بوجۍ دانه، ۴۰۰ دانه خورې، ۴۰۰ اوبه خورې، ۲۰۰ بستې کلوکوز، انتي بیوتیک، مولټي ویټامین، ۱۰۰۰ کیلو چونه، ۲۰۰ بستې د مرغانچو د کلکینو جالۍ وېشل شوي دي.
د چارواکو په خبره ددې مرستې په ترڅ کې هرې کورنۍ ته ۳۰۰ دانې چرګان، ۵ بوجۍ دانې، ۲ دانې دانه خورې، ۲ دانۍ اوبو خورې، یوه کڅوړه درمل، یو دانه جالۍ، ۵ کیلو ګرامه چونه وېشل شوي دي.
ددغو مرستو موخه د بېوزله کورنیو ملاتړ او په دې ولایت کې د چرګانو روزنې صنعت ته پیاوړتیا ورکول دي، چې په ترڅ کې یې د ۷۰ کلیو ۲۰۰ بېوزله کورنۍ برخمن شوي دي.
