ننګرهار د سټروسو تولید، پالنې او روزنې لپاره غوره ځای
![ننګرهار د سټروسو تولید، پالنې او روزنې لپاره غوره ځای](https://www.mail.gov.af/sites/default/files/2021-01/135529303_3939784069379497_100762330882502391_o.jpg)
۱۴ مرغومې ۱۳۹۹
ننګرهار د سټروسو له لویو تولیدوونکو ولایتونو څخه شمېرل کیږي، چې هر کال له یاد ولایت څخه په زرګونه مټریک ټنه نارنج مالټه او لیمو راټول اود هېواد ګڼو ولایتونو ته صادریږي. په دې وروستو کې د کرنې وزارت له خوا د دې ولایت د سټروسو بڼونو د پراختیا او د بېلابېلو سټروسو د بڼونو جوړولو په پارهڅې چټکې شوي دي.
د ننګرهار ولایت د کرنې ریاست د چارواکو په وینا، په یاد ولایت کې د سټروسو د لا پراختیا په پار یي هڅې چټکې کړي. د دوی په خبره د شیشم څیړنیز بڼ اړوند فارم د بڼوالۍ په پراختیایي مرکز(PHDC ) ، کې په بېلابېلو مېوهلرونکو ونو څېړنې کوي چې، له هغې ډلې څخه یوه یې هم د سټروسو کورنۍ ده؛ چې دا مهال په دغه مرکز کې تر ۶۶ د سټروسو ډولونه تر څیړنې او تحقیق لاندې نیول شوي چې یو یې چکوتره یا(Grapefruit) دی.
چکوتره یا (Grapefruit) دسټرووسو له کورنیو څخه ده، چې د ونې بڼه یې نارنج او مالټې ته ورته ده، لوړوالی یې شاوخوا تر پنځو مترو رسیږي، ګل یې غټ سپین او ګلابي رنګ لري ځوانې او ازغي لرونکي لښتې په درلودلو سره مېوه یې سپین او سور رنګ ځانته خپل کړی دئ، چې یوه ونه یې شاوخوا تر ۸۰ کیلو ګرامه زیات حاصل ورکوی. دغه راز چکتوره د ښه مارکیت په درلودوسره ښې بیې لري، چې د سټروسو د نورو مېوو په پرتله یې بیې هم لوړدي.
د ننګرهار د کرنې ریاست چارواکي وایي، چې د یادې مېوې د پراختیا لپاره هڅې کوي تر څو د نورو ګڼو مېوو تر څنګ د چکتورې مېوه هم بازار ته وړاندې کړي. دا مهال چکتوره د ننګرهار په ګڼو بڼونو او د ښکلا لپاره یې خلک په خپلو ځمکو کې ږدي.
دغه ارزښناکه مېوه د میکروبونو په وړاندې قوي اود بدن ستړیا په لرې کولو، د ځیګر، صفراکڅوړې، شکر او عصبي ناروغیو په وړاندې غوره درمل ګڼل کیږي.