د روزګان په دهراود ولسوالی کې ۵۰۰ بزګرانو ته د غنمو د اصلاح شویو تخمونو او کيمياوي سرو د وېش لړۍ پیل شوه
۱۰ لړم ۱۴۰۵ هـ.ش
۲۰ جُمَادَى الأول ۱۴۴۸ هـ.ق
د روزګان ولایت د کرنې، اوبولګولو او مالدارۍ ریاست په هڅو، د «انارسيسي» مؤسيسې په تخنیکي او د خوړو نړۍوالۍ ادارې «افاېاو» په مالي همکارۍ، د روزګان ولایت دهراود ولسوالی ۵۰۰ بزګرانو ته د غنمو د اصلاح شویو تخمونو د وېش لړۍ پیل شوه.
د یاد پروګرام له مخې، هر مستحق کروندګر ته ۵۰ کیلوګرامه د غنمو اصلاح شوي تخم ۵۰ کيلو ګرامه سپېنه سره ۵۰کيلو ګرامه توره سره ورکول کېږي، څو بزګران وکولای شي د کرنې په برخه کې له اصلاح شویو تخمونو څخه ګټه واخلي او د غنمو د حاصلاتو د زیاتوالي لپاره زمینه برابره شي.
د روزګان ولایت د کرنې، اوبولګولو او مالدارۍ ریاست د کرنیزو خدمتونو د پراختیا او د بزګرانو د ملاتړ په موخه د اړوندو مؤسسو له فعالیتونو هرکلی کوي او هڅه کوي چې د کروندګرو ستونزو ته د رسېدنې او د کرنیزو محصولاتو د زیاتوالي لپاره د همغږۍ له لارې اغېزمن ګامونه پورته کړي.
د یادونې وړ ده، چې د اصلاح شویو تخمونو کارول د کرنیزو حاصلاتو د ښه والي او د بزګرانو د اقتصادي وضعیت د پیاوړتیا لپاره مهم رول لري.
