د نورستان دکرنې ریاست چارواکي د کرنې او خوړو نړۍوالې ادارې مسؤلینو سره د راتلونکو پروژو په اړه خبرې وکړې

د ملګرو ملتونو د کرنې او خوړو نړۍوالې ادارې «اف‌اې‌او» د ختیځ زون مسؤلینو د نورستان ولایت د کرنې، اوبو لګولو او مالدارۍ ریاست له سرپرست، ډاکټر بختیار سعید سره وکتل او د کرنې او مالدارۍ د پراختیا، ترسره شویو فعالیتونو او راتلونکو پروژو په اړه یې خبرې وکړې.
دغه غونډه د نورستان د کرنې ریاست د مقام په کاري دفتر کې ترسره شوه، چې پکې د ملګرو ملتونو د کرنې او خوړو نړۍوالې ادارې «اف‌اې‌او  د ختیځ زون مسؤل انجنیر محمد خوشحال اصفي او د یادې ادارې یو شمېر نورو غړو ګډون کړی و.
د غونډې په پیل کې انجنیر محمد خوشحال اصفي وویل، د نورستان د کرنې ریاست د رهبرۍ او اړوندو څانګو د همکارۍ او همغږۍ په پایله کې د ولایت په مرکز او ټولو ولسوالیو کې د کانالونو، د اوبو زېرمو، چکډېمونو، سربندونو، اصلاح شویو تخمونو د وېش، د څارویو د بېلابېلو ناروغیو پر وړاندې د واکسینونو د تطبیق او د کرنې او مالدارۍ سکټور د پیاوړتیا په برخو کې مهم فعالیتونه ترسره شوي دي.
نوموړي د ترسره شویو فعالیتونو ترڅنګ، د راتلونکو پلان شویو پروژو په اړه هم معلومات وړاندې کړل او د کرنې ریاست له رهبرۍ سره یې د ګډو همکاریو پر دوام ټینګار وکړ.
ورپسې د نورستان د کرنې ریاست سرپرست، ډاکټر بختیار سعید، د راغلي پلاوي هرکلی وکړ او د ولایت د بزګرانو او مالدارانو ستونزې یې د کرنې او مالدارۍ د بېلابېلو څانګو له مخې له پلاوي سره شریکې کړې.
هغه وویل، نورستان د هېواد د ډېری ولایتونو په پرتله د کرنې او مالدارۍ په برخه کې لا هم پراخو پانګونو او پراختیایي پروژو ته اړتیا لري او ټینګار یې وکړ، چې د دې سکټور د لا پیاوړتیا لپاره باید لا ډېرې هڅې وشي، ترڅو نورستان په راتلونکې کې د کرنیزو او مالدارۍ تولیداتو له پلوه پر ځان بسیا ولایت شي.
د ملګرو ملتونو د کرنې او خوړو نړۍوالې ادارې «اف‌اې‌او»  پلاوي څرګنده کړه، چې د دې سفر موخه د نورستان د کرنې او مالدارۍ د وضعیت له نږدې ارزونه، د موجوده ستونزو پېژندنه او د کرنې ریاست په همغږۍ د هغو د حل لپاره د ګډو پروګرامونو او پراختیایي پروژو طرحه او پلي کول دي.
د غونډې په پای کې د نورستان د کرنې ریاست رهبرۍ د «اف‌اې‌او»  پلاوي ته د هر اړخیزې همکارۍ ډاډ ورکړ او دواړو لورو د کرنې او مالدارۍ د پراختیا، د بزګرانو او مالدارانو د ملاتړ او د ګډو پراختیایي پروژو د اغېزمن تطبیق پر دوام ټینګار وکړ.

مسوولان ریاست زراعت نورستان با مسئولان سازمان جهانی زراعت و غذا درباره پروژه‌های آینده گفتگو کردند
مسئولان دفتر زون شرق سازمان جهانی زراعت و غذا «فائو» با سرپرست ریاست زراعت، آبیاری و مالداری ولایت نورستان، داکتر بختیار سعید دیدار کرده و در مورد توسعه زراعت و مالداری، فعالیت‌های انجام‌شده و پروژه‌های آینده گفتگو کردند.
این نشست در دفتر کاری مقام ریاست زراعت نورستان برگزار شد که در آن انجنیر محمد خوشحال آصفی، مسئول زون شرق سازمان جهانی زراعت و غذا «فائو»، و شماری از اعضای دیگر این اداره نیز اشتراک داشتند.
در آغاز نشست، انجنیر محمد خوشحال آصفی گفت که در نتیجه همکاری و هماهنگی رهبری ریاست زراعت نورستان و بخش‌های مربوطه، در مرکز ولایت و تمامی ولسوالی‌ها در بخش‌های مختلف از جمله اعمار کانال‌ها، ذخایر آب، چک‌دم‌ها، سربندها، توزیع تخم‌های اصلاح‌شده، تطبیق واکسین‌های ضد امراض حیوانی و تقویت سکتور زراعت و مالداری فعالیت‌های مهم انجام شده است.
وی علاوه بر فعالیت‌های انجام‌شده، در مورد پلان‌های آینده نیز معلومات ارائه کرد و بر ادامه همکاری‌های مشترک با رهبری ریاست زراعت تأکید نمود.
پس از آن، سرپرست ریاست زراعت نورستان، داکتر بختیار سعید، از هیئت مهمان استقبال کرده و مشکلات دهقانان و مالداران ولایت را در بخش‌های مختلف زراعت و مالداری با آنان شریک ساخت.
او گفت که نورستان در مقایسه با بسیاری از ولایت‌های کشور هنوز به سرمایه‌گذاری‌های گسترده و پروژه‌های انکشافی در بخش زراعت و مالداری نیاز دارد و تأکید کرد که برای تقویت بیشتر این سکتور باید تلاش‌های بیشتری صورت گیرد تا نورستان در آینده از لحاظ تولیدات زراعتی و مالداری به خودکفایی برسد.
هیئت سازمان جهانی زراعت و غذا «فائو» اظهار داشت که هدف از این سفر، ارزیابی نزدیک وضعیت زراعت و مالداری نورستان، شناسایی مشکلات موجود و طرح و تطبیق برنامه‌ها و پروژه‌های انکشافی مشترک با هماهنگی ریاست زراعت است.
در پایان نشست، رهبری ریاست زراعت نورستان اطمینان همکاری همه‌جانبه را به هیئت «فائو» داد و دو طرف بر ادامه توسعه زراعت و مالداری، حمایت از دهقانان و مالداران و تطبیق مؤثر پروژه‌های مشترک انکشافی تأکید کردند.