د میدان وردګو جلیز کې جوړو شویو شنوخونو څخه لیدنه او کروندګرو سره مرسته
د میدان وردګو ولایت د جلریز ولسوالی د سنګلاخ په حوزه کې د «ان.سي.اې» مؤسسې له لوري جوړو شوو شنو خونو څخه د کرنې، اوبو لګولو او مالدارۍ ریاست مسؤلو کارمندانو لېدنه ترسره کړه او د یادو پروژو د تطبیق بهیر یې وارزاوه.
د چارواکو په خبره د شنو خونو د جوړولو چارې په ښه، شفاف او منظم ډول ترسره شوې دي. همدارنګه په یاده حوزه کې ۵۰ تنه بزګران او بڼوال د کرنیزو وسایلو له کیټونو څخه برخمن شول.
په یادو کیټونو کې یوه جوړه موزې، دستکش، وړه قیچي، بیل، د دواپاشۍ پمپ، یوه جوړه دریشي او یو دانه لور شامل وو، چې د «ان.سي.اې» مؤسسې له خوا د کرنې، اوبو لګولو او مالدارۍ ریاست سره په پوره همغږۍ مستحقو بزګرانو او مالدارانو ته ووېشل شول.
په پای کې د جلریز ولسوالی بزګرانو او مالدارانو د یادو مرستو له امله خپله خوښي څرګنده کړه او د «ان.سي.اې» مؤسسې او د کرنې ریاست له چارواکو څخه یې مننه او قدرداني وکړه.
