کونړ کې له حیواني کلینیکونو څخه څارنه وشوه
۲۷ لیندۍ ۱۴۰۴ هـ.ش
۲۷ جُمَادَى الثاني ۱۴۴۷ هـ.ق
د کونړ ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا امریت مسلکي کارکوونکو د کونړ ولایت په مرکز او ولسوالیو کې له بېلابېلو حیواني کلینیکونو څخه د نظارت او ارزونې په موخه لیدنه وکړه.
یاده لیدنه د طرزالعمل او کاري لایحې له مخې ترسره شوه، ترڅو ډاډ ترلاسه شي چې ټول حیواني کلینیکونه د خدماتو وړاندې کولو پر مهال له ټاکل شویو معیارونو سره سم عمل کوي.
یادو کارکوونکو د کلینیکونو د خدماتو کیفیت و ارزوه او همدارنګه یې د تاریخ تېرو او غیر معیاري درملو کنټرول هم ترسره کړ.
دارنګه ددغه نظارت په ترڅ کې د لوحو اصلاح، د بېکیفیتو دواګانو د مخنیوي، او د حیواني او کرنیزو درملو د جلا ساتلو پر اصل ټینګار ترسره شو، تر څو د مالدارو او بزګرانو لپاره معیاري او سالم خدمات وړاندې شي.
د کونړ دکرنې ریاست چارواکي زیاته کړه، چې دغه ډول ارزونې به دوامداره وي او هڅه به کېږي، چې د حیواني روغتیا په برخه کې وړاندې کیدونکي خدمات لا معیاري او باکیفیته شي.
د یادونې وړ ده، چې د کونړ دکرنې ریاست اړوند د مالدارۍ او حیواني روغتیا امریت هڅه کوي، چې د څارویو د ساتنې، درملنې او د ناروغیو د مخنیوي په برخه کې یاد کلینیکونه شفاف او د اعتبار وړ خدمات وړاندې کړي.
