د مالدارۍ سکتور پیاوړتیا په پار ننګرهار کې د مالدارانو تجروبو شریکولو غونډه ترسره شوه
۶ غویی ۱۴۰۴ ه.ش
۲۸ شَوّالُ المُکَرَّم ۱۴۴۶ه.ق
د ننګرهار د کرنې، اوبولګولو او مالدارۍ ریاست سره په همغږۍ د افغانستان لپاره د هالینډ کمېټې په تخنیکي او اروپایي ټولنې مالي لګښت دمالدارانو تجروبو شریکولو او لبني محصولاتو نندارتون په لاره غونډه په لاره اچول شوې وه.
دننګرهار د کرنې، اوبو لګولو او مالدارۍ رییس مولوی محمد ولي محسن د مالدارۍ په برخه کې د هالینډ کمېټې د کړنو ستاینه وکړه او دمالدارۍ محصولاتو، تولید کچې زیاتوالي، بازارموندنې، د څارویو روغتیا او ګڼو نورو برخو کې خبرې وکړې.
ښاغلي محسن د هالینډ کمېټې د تېرو کړنو ستاینه وکړه او له مسولینو څخه یې په ننګرهار کې د څارویو د مختلفو واکسینونو، نسلونو اصلاح، ناروغیو مخنیوي، درملنې، وقایې، عامه پوهاوي او ګڼو نورو برخو کې د مرستو غوښتنه وکړه.
نوموړې دمالدارانو تجروبو شریکولو او نندارتونو په لاره اچول ددې سکتور دپیاوړتیا لپاره مهم وباله او د نورو داسي پروګرامونو برابرولو غوښتنه یي هم وکړ.
دافغانستان لپاره د هالینډ کمېټې دپروګرامونو مسؤل داکتر فریدون قیومي په ننګرهار کې د هالینډ کمېټې پر روانو کړنو، واکسینونو،چیجیو ضد درملو، خوراکي توکو زیرمتونونو، څارویو کلنیکونو تمویل او جوړولو خبرې وکړې.
نوموړي وویل، چې د مالدارانو تجاربو شریکول او دلبني محصولاتو نندارتون جوړول د هالینډ کمېټې لويو موخو څخه ده او د مالدارانو اقتصادي پیاوړتیا او د مالدارۍ سکتور ته پراختیا ورکولو مو لومړیتوب دی.
دغه راز دمالدارانو تجاربو شریکولو په مراسمو کې د لسو ولسواليو څخه ۱۵ ترسره شوې فعاليتونه او پروسیس شوی محصولات نندارې ته اېښودل شوې وو
