د کندهار نوروزي فارم کې د ځمکې کېندنې او هوارولو چارې په بشپړېدو دي 

mail-admin
Sun, Mar 23 2025 12:41 PM
د کندهار نوروزي فارم کې د ځمکې کېندنې او هوارولو چارې په بشپړېدو دي 

۳ وری ۱۴۰۴ه‍.ش
۲۳ رَمَضانُ المُبارَک ۱۴۴۶ه‍.ق
د کرنې، اوبو لګولو او مالدارۍ وزارت د ځانګړې لارښوونې او پراختیایي بودیجې له مخې، د کندهار د کرنې، اوبو لګولو او مالدارۍ ریاست په مشرۍ، د یوه خصوصي ودانیز شرکت په تخنیکي همکارۍ او د طبیعي سرچینو او کرنیزو چارو آمریت تر مستقیمې څارنې لاندې، د نوروزي فارم د کرنیزو اصلاحاتو چارې روانې دي.  
د دې پروژې په لړ کې، د ۳۸۳ جریبه ځمکې د کېندنې، لېزر لیول کولو او هوارولو چارې د ۷.۷ میلیونه افغانیو په ارزښت پیل شوې، چې په نږدې راتلونکې کې یې چارې بشپړېږي.  
د چارو د کیفیت لوړولو او چټک پرمختګ لپاره، د کندهار د کرنې ریاست انجنیر نورمحمد همکار د پروژې نږدې څارنه وکړه. د څارنې پر مهال، د کار د کیفیت ارزونه وشوه او اړوندو مسؤلینو ته لازمې سپارښتنې وشوې، ترڅو ټول کارونه د تخنیکي معیارونو او کرنیزو اړتیاوو مطابق ترسره شي.  
مسؤلین وايي، د دې پروژې موخه د نوروزي فارم د ځمکې بشپړ چمتو کول دي، ترڅو کرنه اسانه او حاصلات لوړې کچې ته ورسېږي. دغه اصلاحات به د فارم پایښت ته دوام ورکړي او د کرنیزو چارو تنظیم، د اوبو متوازن وېش او د کروندګرو لپاره ګټورې اسانتیاوې رامنځته کړي.  
د یادونې وړ ده، چې د کندهار د کرنې، اوبو لګولو او مالدارۍ ریاست ژمن دی، چې د خپلو ټولو پروژو پر وخت څارنه وکړي، د کیفیت لوړتیا ته پاملرنه وکړي او د کروندګرو لپاره ګټورې پایلې تضمین کړي.

Latest news

Sat, Feb 01 2025 11:27 AM
Background image

ننګرهار وادي کرنیز امارتي شرکت په خپلو فارمونو کې د مېوو بڼونه جوړ کړي 

۱۳ سلواغه ۱۴۰۳ه‍.ش
۳ شَعبان المُعَظّم ۱۴۴۶ه‍.ق
ننګرهار وادي کرنیز امارتي شرکت په خپلو څلور ګونو فارمونو کې د مالټو، زيتونو، ليمو، خرما او نورو مېوو بڼونه جوړ کړي دي.  
دغه کرنيزه پروژه،. . .

Mon, Jul 01 2024 8:57 AM
Background image

د خوست کرنې ریاست څېړنیز فارم کې زده کړیالانو ته د عملي زده کړې زمینه برابره شوې

۱۱ چنګاښ ۱۴۰۳ه‍.ش
۲۴ ذی‌الحِجّة ۱۴۴۵ه‍.ق
د خوست ولایت د کرنې، اوبو لګولو او مالدارۍ ریاست اړوند څېړنیز فارم کې د کرنې پوهنځۍ زده کړیالانو ته په عملي او نظري ډول د زده کړې زمینه برابره. . .

Thu, Mar 02 2023 7:16 PM
Background image

Meeting of the Minister of Agriculture with the Ambassador of Turkey


 2 March 2023
Mawlavi Ataullah Omari, the Minister of Agriculture, Irrigation and Livestock, met with Jihad Ergin Ay, the Turkish Ambassador to Afghanistan, and discussed bilateral. . .

BACK TO NEWS