ننګرهار کې بزګرانو ته د سرو املوکو اولیمو بڼونو جوړولو چارې پیل شوې
د ننګرهار د کرنې، اوبو لګولو او مالدارۍ ریاست په هڅو د ډاکار مؤسسې په تخنیکي همکارۍ او د ډانېډا په مالي لګښت د ننګرهار په رودات، هسکه مېنه او کوټ ولسوالېو کې بڼوالو ته د سل جریبه بڼونو جوړولو سروې او ډیزاین چارې پیل شوي دي.
د ننګرهار کرنې، اوبو لګولو او مالدارۍ رئیس مولوي محمد ولي محسن وویل په ذکر شوو ولسوالېو کې د بڼوالو په غوښتنه د سرو املوکو او لیمو یو جریبه بڼونو جوړولو چارې پیل شوې.
ښاغلي محسن وویل، چې یادو بڼوالو ته د بڼوالۍ په بېلا بېلو برخو کې د روزنې ترڅنګ د بڼوالۍ کڅوړې یا بستي هم ورکولکېږي، ترڅو په بڼونو کې کرنیزي عملي په شکل ترسره کړي.
داچې په ننګرهار کې ځمکي کمې دي او بڼونو ته اړتیا ډېره ده همدارنګه د نورو نباتاتو په پرتله بڼوالۍ ښه نتیجه ورکړېده نو د ننګرهار د کرنې ریاست د بزګرانو پیاوړتیا لپاره هڅه کوي مؤثره بڼوالي ترسره کړي.
