د کرنې وزارت د اراضۍ لوی رياست لخوا بهرنیو چارو وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د صنعت او د بهرنیو چارو وزارت د املاکو د حفاظت او ساتنې لوی مدیر مولوی مطیع الله عابد ګډون درلود، د اراضۍ لوی رياست لخوا بهرنیو چارو وزارت ته ځمکه ولېږدول شوه.
ياده ځمکه د کرنې وزارت د اراضۍ ادارې د ځمکو د انتقال او وېش رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا بهرنيو چارو وزارت ته بدخشان ولایت اشکاشم ولسوالی کې په ۲ جريبه ځمکه باندې د قونسلي بندر د جوړولو په موخه ولېږدول شوه.
د یادې ځمکې د لېږد ټړون د کرنې وزارت د اراضۍ لوی ریاست د ځمکو د انتقال او وېش رییس مولوي سید محمد سعيد او د بهرنيو چارو وزارت د املاکو د حفاظت او ساتنې لوی مدير مولوي مطیع الله عابد تر منځ لاسلیک شوه.
