بلخ ولایت کې د صنعتي پارکونو جوړولو په موخه د شل زره جریبه ځمکې د تثبیت چارې بشپړې شوې
۱۴ سلواغه ۱۴۰۳ه.ش
۴ شَعبان المُعَظّم ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت ته دبلخ په ولایت کې شل زر 20000جريبه ځمکه تثبیت، تعین او د انتقال اړوند ټول اسناد یې چمتو، تائید او مرکز ته د نورو کړنو په موخه واستول شول.
په پام کې ده، چې په یاده ځمکه کې صنعتي پارکونه جوړ، د صنعت کارانو ستونزې به حل، پانګې اچونې ته به زمینه برابره او د هېواد به اقتصاد به مثبت اغیز وکړي.
په پای کې د بلخ ولایت مسؤلينو ددغه کار د پایلې څخه خوښي څرګنده کړه او دا کار يې د افغانستان اسلامي امارت د مشرتابه د حکم د تطبيق او همدارنګه د هېواد د پرمختګ او سوکالۍ په برخه کې ښه اقدام وباله.
