پکتیا کې د څړځايو د مدیریت په موخه د ۲۰ بابه سايلج خونو د جوړونې چارې بشپړې شوې
۱۳ زمری ۱۴۰۰
د پکتيا کرنې، اوبولګولو او مالدارۍ ریاست اړوند د ځنګلونو او طبيعي سرچينو آمريت د څړځايونو پروژې په اډانه کې د تيرې اړوند اودکي په سيمه کې د ۲۰ بابه سايلج خونو د جوړونې چارې د يادې سيمې د څړځايونو ټولنې په همکارې بشپړې شوې.
د پکتيا د کرنې، اوبولګولو او مالدارۍ رییس انجنير محمد دين مومند وايي، چې د څارویو خوراکي توکو زېرمه کولو، مالدارۍ پراختيا، د څړځايونو د مدیریت او نباتی پوښښ د زياتوالي په موخه يې د اودکي په سيمه کېد ۲۰۰ هکټاره څړ ځای د تنظیم په موخه يې بېلابېلې کوچنی پروژې تر کار لاندې دي.
ښاغلی مومند زیاته کړه، چې د څړځايونو په تنظيم سره به مالداري پياوړې، د خاورې د تخريب او اوبو په ضايعاتو کې به کموالی رامنځته شي.
د سيمې وګړو د يادې پروژې په پلي کيدو خوښي وښوده او د کرنې رياست دوامداره ملاتړ يې وستایل.
