د نړيوال بانک او EATS پروژې له چارواکو سره دکرنې وزارت د اوبولګولو او طبيعي سرچينو مرستيال غونډه
۶ چنګاښ ۱۴۰۰
دکرنې، اوبولګولو او مالدارۍ وزارت د اوبولګولو او طبيعي سرچينو مرستيال حشمتالله غفوري، د ويډيو کنفرانس له لارې د نړيوال بانک او د کرنې او خوړو خونديتوب بېړنۍ پروژې له چارواکو سره د سيلوګانو پر بيارغونې خبرې وکړې.
په دې غونډه کې، د سيلوګانو پر طرحه، ډيزاين او بيارغونې خبرې وشوې. دغه راز وويل شوه، چې ددغو سيلوګانو د بيارغونې د زيات لګښت په صورت کې ، پر بديله طرحه په ځانګړې توګه د نويو سيلوګانو پر جوړولو کار ووشي.
دکرنې وزارت د اوبولګولو او طبيعي سرچينو مرستيال حشمتالله غفوري، په دې غونډه کې د هېواد په شمال کې د فعال سيلو د نشتون له وجې، د بغلان ولايت د سيلو د بيارغونې پر اړتيا ټينګار وکړ.
ديادونې وړ ده، چې دکرنې وزارت د کابل، هرات او کندهار د سيلوګانو د بيارغونې طرحه تر لاس لاندې لري او ټاکل شوې چې، بوديجه يې د نړيوال بانک له خوا ورکړل شي او دکرنې او خوړو خونديتوب بېړنۍ پروژې له خوا پلي شي
