د کرنې وزیر د بلاروس غیر استوګن سفیر سره وکتل
۸ غبرګولی ۱۴۰۰
د کرنې، اوبولګولو او مالدارۍ وزير ډاکټر انوارالحق احدي، په افغانستان کې د بلاروس غیر استوګن سفیر اولیګ ایوانف سره د خپل کار په دفتر ک وکتل.
په دې کتنه کې د بلاروس غیر استوګن سفیر لومړی، د منځنۍ اسیا او قفقاز هېوادونو د استازو په شتون کې د صادراتو، وارداتو او اقتصادي همکاریو د پرختیا د څرنګوالي په پار د هغه غونډې په پار چې په راتلونکې جون میاشت کې په تاجکستان کې په لاره اچول کېږي، د کرنې وزیر ته مالومات وړاندې کړل.
د بلاروس غیر استوګن سفیر د کرنې له وزیر څخه وغوښتل چې، د راتلونکې میاشت غونډې ته د کرنې وزارت څخه یو تخنیکي پلاوې واستوي.
دغه راز په دې غونډه کې، دکرنې وزیر بلاروس سره د اقتصادي اړیکو او همکاریو د پراختیا په پار ټینګار کړ او زیاته یې کړه، چې د افغانستان او بلاروس ترمنځ اقتصادي راکړه ورکړه دمګړۍ دکال ۲۰۰ میلیونه ډالرو ته رسېږي.
