تېرکال نږدې ۷۴ زره ټنه ګلپي راټول شوي

۵ غویی ۱۴۰۰
د کرنې، اوبولګولو او مالدارۍ وزارت د احصایې او مالوماتو ریاست شمېرې ښيي، چې تېرکال د هېواد په کچه نږدې ۷۴ زره ټنه ګلپي راټول شوي دي.
د ګلپیو ډېری کروندې، د هرات، بلخ، لغمان، ننگرهار، بامیان، کندهار، سرپل، خوست، کونړ، تخار او بدخشان په ولایتونو کې دي.
په ټولیزه توګه د هېواد په کچه تېرکال په درې زره او ۶۸۷ هکټاره ځمکه ګلپي کرل شوې وه.
څېړنو ثابته کړې چې د ګلپي معدني مواد او په ټوله کې غذایي ارزښت یې د دې لامل کېږي چې د انسان د بدن ټول ويټامینونه پوره کړي؛ ټیامین، ریبوفلاوین، نیاسین، پانټوټنیک، اسید، کلسیم، اوسپنه، مګنزیم، فاسفور، پټاشیم او مګنيزیم د ګلپي معدنې مواد او ويټامینونه دي.