د معلوماتو مرکز او برېښنايي ارشيف څخه د کرنې وزير ليدنه
۴ وری ۱۴۰۰
دکرنې، اوبولګولو اومالدارۍ وزير ډاکټر انوار الحق احدي د اطلاعاتو بانک (برېښنايي ارشيف)، د رياست دفتر او د معلوماتو مرکز"Data center" شعباتو څخه ليدنه وکړه.
ددې ليدنې موخه د يادو برخو د چارو د ښه والي په موخه د ستونزو ارزونه او د اړتياوو په ګوته کول وه.
دکرنې، اوبولګولو او مالدارۍ وزير د يادو برخو له چارواکو څخه د ستونزو، اړتياوو او د چارو دښه کېدو د زمينو په هکله پوښتنه وکړه.
دکرنې وزير د اسنادو او معلوماتو ډيجيټل کول او خپرول د روڼتيا تامين او فساد سره د مبارزې په پار اغېزناک وبلل او سپارښتنه يې وکړه، چې ددې وزارت د اطلاعاتو بانک دې تر پخوا لا ډېر پياوړی شي.
