دکرنې وزير په انقرې کې د افغانستان سفارت په مېلمستيا کې ګډون وکړ
۲۱ کب ۱۳۹۹
د کرنې، اوبولګولو او مالدارۍ وزير ډاکټر انوار الحق احدي له خپل مل پلاوي سره، په هغه مېلمستيا کې، چې په انقرې کې د افغانستان اسلامي جمهوريت د سفارت له خوا، ترتيب شوې وه، ګډون وکړ.
د افغانستان اسلامي جمهوريت سفير، امیرمحمد رامین د کرنې وزير سره په ناسته کې د سفارت دبرنامو، لاسته راوړنو او پلانونو په هکله مالومات وړاندې کړل او په دې وروستيو کې د افغانستان او ترکيې تر منځ د کرنيزو همکاريو دهوکړه ليک لاسليک کېدل د همکاريو د پراختيا په پار يو نيک ګام وباله او ترکيې ته د افغانستان د کرنې وزير سفر او وروستيو فعاليتونو څخه مننه وکړه.
په دې مېلمستيا کې د ترکيې په پرلمان کې د انتاليا د خلکو استازی او د ترکيې-افغانستان د دوستۍ ډلې مشر ښاغلی ابراهيم آيدن او د قیصري د خلکو استازی ښاغلی اسماعيل ايمره په ګډون د ترکيې جمهوري دولت يوشمېر سياسي شخصيتونو هم ګډون درلود.
