د "امید" د کرنيز اقتصاد د پروژې پنځه ورځنۍ غونډه پيل شوه

۳ کب ۱۳۹۹
د اميد "OMAID" کرنيز اقتصاد د کډې پروژې پنځه ورځنۍ غونډه په انلاين بڼه دکرنې، اوبولګولو او مالدارۍ وزير ډاکټر انوارالحق احدي او دکرنې وزارت د اوبولګولو او طبيعي سرچينو مرستيال حشمت الله غفوري او د نړيوال بانک، دسوداکرۍ او صنايعو وزارت او ماليې وزارت د استازو په کډون پيل شو.
تدارکات، مالي او د پروژې د پليکېدو څرنکوالي به ددې پنځه ورځني غونډې د خبرو موضوعات وي او په پای کې د څلورو نهادونو ترمنځ هوکړه ليک لاسليک کېږي.
د کرنې وزير په خپل وينا سره ياده غونډه پيل کړه او ددې پروژې پر اهميت خبرې وکړې.
په همدې توکه د کرنې وزارت د اوبولګولو او طبيعي سرچينو مرستيال حشمت الله غفوري هم په دې غونډه کې وويل، چې د کرنې وزارت د برنامو د پرمختګ او د پروژې د پلي کېدو په برخه کې په لوړه کچه همکار دی.
د اميد پروژه د کرنې، اوبولګولو او مالدارۍ وزارت او د سوداګرۍ او صنايعو وزارت ترمنځ ګډه پروژه ده.
د کرنې وزارت ددې پروژې په پلي کېدوکې د کرنيزو محصولاتو او خوړو خونديتوب په برخه کې کار کوي او دسوداکرۍ او صنايعو وزارت د يادو محصولاتو د بازارموندنې په برخه کې فعاليت کوي.
د اميد کرنيز اقتصادي پروژه د نړيوال بانک له خوا د ۱۷۵ ميليونه ډالر بوديجې سره د پنځو کالو په ترڅ کې پلي کېږي.