د کرنې وزارت د اطلاعاتو او د دفتر ریاستونو یوشمېر کارکوونکي وستایل شول
۱۸ سلواغه ۱۳۹۹
د کرنې، اوبولګولو او مالدارۍ وزارت د اطلاعاتو او عامه اړیکو او د دفتر ریاست یوشمېر کارکوونکي، دکرنې وزیر ډاکټر انوارالحق احدي له خوا د ستاینلیګونو په ورکولو سره وستایل شول.
د روڼتیا څار ادارې له خوا کرنې وزارت ته د سروزرو کلید ورکول، اطلاعاتو ته د لاسرسي کمیسیون د ارزونې په پایله کې د کرنې وزارت ویب پاڼې ته تر ټولو لوړه امتیاز ورکول او دغه راز په کرنې وزارت کې د اطلاع رسونې د کلتور د پیاوړتیا، نوښت او خلاقیت ایجادولو په خاطر د کرنې وزارت د اطلاعاتو او عامه اړیکو یوشمېر کارکوونکي، د کرنې وزیر له خوا وستایل شول.
دغه راز د يو جلا پروګرام په ترڅ کې، د مقام د دفتر ریاست مشره زهره ظهوري او د دفتر رياست یوشمېر کاروونکي هم د ښاغلي احدي له خوا د جمهوري ریاست عالي مقام د احکامو د تعقیب او عملي کېدو، د کرنې وزارت او اړوندو نهادونو ترمنځ د همغږۍ پیاوړتیا او د دوی ښې کړنې په پار د انوارالحق احدي له خوا وستایل شول. دغه راز د ولسمشر محمد اشرف غني د ۲۵/۱۰/۱۳۹۹ د ۴۵۳۱ سپارښتنې پربنسټ دکرنې وزارت د دفتر رياست کارکوونکي د هغو ۳۵ ادارو او وزارت خونو په کتار کې راغلی دی چې دجمهوري رياست د عالي مقام ټول حکمونه يې سل په سلو کې پلي کړی دی.
